web counter
LEXO PA REKLAMA!

SHKARKO APP

App Store
Google Play

Gjobiten 50 këmbësorë në Korçë për shkelje të rregullave të qarkullimit

12 Janar 2024, 11:09, Aktualitet CNA
Gjobiten 50 këmbësorë në Korçë për shkelje
Korçë

Policia e Korçës, në 48 orët e fundit ka vendosur 50 masa administrative ndaj këmbësorëve që shkelin rregullat e qarkullimit rrugor. 

"Policia rrugore në zbatim të Kodit Rrugor ka nisur një fushatë ndërgjegjësimi sensibilizuese për qytetarët të cilët kur kalojnë karexhatën nuk përdorin vendkalimet e këmbësorëve. Si fillim ndaj qytetarëve është proceduar me këshillim dhe pas këshillimit po vendosen edhe masa administrative për shkelje të nenit 188 të Kodit Rrugor. Në 48 orët e fundit janë vendosur gjithsej 50 masa administrative për shkelje të këtij neni. Fillimisht masat po përdoren në zonat urbane ku ka ngarkesë dhe përdoruesit e rrugës janë më shumë këmbësorët, të cilët përshkojnë karexhatën, por edhe në nënrrugët interurbane dytësore. Në zonat urbane ka pasur ngjarje ku dhe shkaktarë të këtyre ngjarjeve janë përdoruesit e rrugës, këmbësorët", u shpreh nënkomisar Klaidi Shameti. 

Vlera e gjobës sipas nenit 188 të Kodit Rrugor varion nga 500 deri në 2000 lekë. 

Për vjeljen e kësaj mase administrative, masa vendoset në bazë të kartës së identitetit dhe karta e identitetit mbahet si garanci deri në likuidimin e gjobës.

"Deri tani nuk ka pasur raste të mospranimit të gjobës nga qytetarët pasi qytetarët janë ndërgjegjësuar. Fillimisht është përdorur këshillimi. Ka disa vite që ka filluar kjo fushatë. Nëse ka kundërshtim të gjobës masa administrative merret dhe qytetari ka të drejtë të ankimojë gjobën në organin administrativ shtetëror dhe më pas në gjykatë", u shpreh më tej nënkomisari./CNA





Lajmet e fundit nga