E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Gara për pozicionin e drejtorit të Policisë së Shtetit/ Zbardhen emrat e 12 kanditatëve

17 Shtator 2024, 10:51, Aktualitet CNA

Gara për pozicionin e drejtorit të Policisë së Shtetit/

Nesër përfundon afati zyrtar 7-ditor i dorëzimit të kandidaturave me qëllim zgjedhjen e drejtuesit të ri të Policisë së Shtetit.

Media ka mësuar disa prej emrave të punonjësve të policisë që mbajnë gradën “Drejtues” dhe “Drejtues i Parë”, që kanë shfaqur interes për të qenë Drejtues të Organizatës së Policisë së Shtetit.

Mësohet se deri ditën e sotme kanë dorëzuar kandidaturën rreth 12 persona.

Neritan Nallbati, Drejtori aktual i Drejtorisë së Krimit të Organizuar dhe hetimit të Krimeve të Rënda.

Lutfi Minxhozi prej shumë vitesh ka shërbyer si Drejtor i Krimit Ekonomik në Policinë e Shtetit dhe njëherësh dhe Drejtor i Interpol Tirana.

Pëllumb Seferi, ai është emëruar Shef i ZQK Interpol Tirana, e në vijim ka mbajtur poste të ndryshme në Polici. Tashmë Seferi aspiron të kapë fronin e Drejtuesit më të lartë.

Rebani Jaupi, është një tjetër emër që ka kandiduar për postin e Policisë së Shtetit. Jaupi ka mbajtur disa detyra të larta në polici dhe plotëson të gjitha kushtet për të qenë në krye të kupolës së uniformave blu.

Ilir Proda, një tjetër drejtues policie i lartë, që ka çuar dosjen e tij për të konkurruar për kreun e Policisë së Shtetit.

Ilir Proda, aktualisht ushtron detyrën në policinë e Elbasanit, ku gjatë kësaj kohe ka realizuar disa operacione kundër drogës të quajtur “Tempulli”.

Skënder Hita, drejtori aktual i Policisë së Durrësit është një tjetër kandidat potencial që ka shfaqur interes për të qenë në garën për kreun e Policisë së Shtetit.

Një tjetër emër që mësohet se ka shfaqur interes dhe ka kandiduar është dhe ish-oficeri i Policisë Gjyqësore dhe njëherësh ish-prokurori Shkëlqim Hajdari. Hajdari ka eksperiencën e duhur ligjore dhe njëherësh eksperiencën policore.

Një konkurrent tjetër është Shemsi Prençi, një ish-drejtues policie që ka shërbyer në nivelet më të larta të Policisë së Shtetit.

Sami Rasha, ish-drejtori i Shërbimit të Kontrollit të Brendshëm aktualisht pedagog në Akademi, është kandidati tjetër.

Adriatik Tafçiu dhe Gentjan Shehaj janë dy kandidaturat e tjera paraqitur deri tani.

Po ashtu dhe Saimir Boshnjaku ka paraqitur kandidtaturën e tij për këtë pozicion.

Nesër, të mërkurën, të përfundon afati i dorëzimit të kandidaturave, duke shpalosur më pas konkurrencën profesionale dhe pikëzimin e dosjeve, deri në shpalljen e fituesit.

LISTA E KANDIDATËVE

1. Lutfi Minxhozi

2. Pëllumb Seferi

3. Neritan Nallbati

4. Rebani Jaupi

5. Skënder Hitaj

6. Ilir Proda

7. Shemsi Premçi

8. Shkëlqim Hajdari

9. Adriatik Tafçiut

10. Gentjan Shehaj

11. Sami Rasha