web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat e anëtarëve të Akademisë së PS-së për Ramën, Blendi Fevizu: E tmerrshme

16 Shtator 2024, 22:42, Aktualitet CNA

Deklaratat e anëtarëve të Akademisë së PS-së

Gazetari Blendi Fevizu ka komentuar deklaratat e të rinjëve të PS-së, të cilët u pyetën se çfarë të mete kishte Edi Rama dhe përgjigjet e tyre tërhoqën vëmendjen për admirimin e tepruar dhe mungesën e kritikës. Anëtarja e Akademisë së PS-së, Ilva Gjuzi tha se Rama është "dhjetë hapa para të tjerëve", ndërsa Helena Kaçi tha se kryeministri mendon shumë për vendin por pak për veten.

Fevziu është shprehur i habitur nga përgjigjet duke thënë disa herë që nuk e beson dot që videoja të jetë e vërtetë.

“Duhet të jetë e montuar, nuk ka mundësi të jetë e vërtetë. Nuk e besoj dot videon. Kur Enver Hoxha mbushi 50 vjec, byroja merr vendim pa lejen e shokut Enver, që shoku Enver të punojë vetëm dy orë në ditë që të shplodhet dhe të bëjë tre muaj pushim. Tani, dëgjo, nuk e besoj dot. Nuk mund të flasë një njeri kështu. Më kanë pyetur pse mbeten të njëjtët njerëz dhe nuk ka të rinj. Ju jeni dëshmitarë, që në Shqipërinë post komuniste, njerëz të edukuar në komunizëm, kur u hap dhe tentuan të ndërtojnë sistem demokratik, këta njerëz nuk patën as kult të kryetarit, flisnin, përplaseshin. Sot, të gjithë të rinjtë marrin formën e kryetarit, vishen si kryetari, flasin si kryetari, bëjnë gjeste si kryetari. Si mund të ndërtohet e ardhmja me njerëz që krijojnë mite dhe besojnë në mite? Njerëz që fillojnë dhe nisin karrierën me adhurim. Çdo i ri duhet të jetë mosbesues. Ecin qorrazi drejt një karriere politike, janë mësuar, që kush bën të ndihet mirë kryetarit...”-tha gazetari.

Ai nuk kurseu të jepte dhe një mesazh për të rinjtë, ku tha se duhet të jenë vetvetja për të çarë në politikë apo në profesionet e tyre.

“Të jap një mesazh, për të rinjtë që hyjnë në politikë. Duket se çan kollaj duke i bërë qejfin shefit. Është vetëm hapi i parë, po nuk qetë vetja, po nuk patët besim te vetja, nuk do të jeni të zotë as në politikë dhe as në profesionet tuaja.”/CNA





Lajmet e fundit nga