E fundit!

10:29 Politikë

Vrasja e efektivit në Maliq/ Kuvendi mban 1 minutë heshtje

Kuvendi i Shqipërisë ka nisur seancën e sotme duke mbajtur...

Turizmi/ Alma Çupi ngre alarmin për ndotjen dhe plazhet private

17 Shtator 2024, 09:48, Aktualitet CNA

Drejtuesja e emisionit “Histori Shqiptare”, Alma Çupi, ka ngritur shqetësimin duke deklaruar se situata në vendin tonë është në nivele alarmante për shkak të problemeve me ndotjen dhe me plazhet private.

E ftuar në emisionin "Opinion", Çupi ka treguar një rast në Ksamil ku sipas saj, në plazhet private nuk është lejuar as të kalonte dhe të lahej natën.

Biseda në "Opinion"

Alma Çupi: Unë jam një njeri që e dua vendin tim dhe prej shumë vitesh kam pushuar në vendin tim. Ka arritur gjendja alarmante, për shkak të ndotjes, jo nga privati. Privati ka bërë investime aq sa ka mundur, por tani nuk shikoj një bashkëpunim mes privatit dhe pushtetit lokal.

Blendi Fevziu: Pse u mërzite në Ksamil? Çfarë ndodhi?

Alma Çupi: E para, u mërzita në Ksamil se nuk bën dot plazh pa paguar një çadër. E gjithë vija bregdetare e Ksamilit, vija e qytetit… Por ti nuk mund të më detyrosh mua, që të më mbyllësh portën e plazhit. I kanë vënë porta plazhit.

Blendi Fevziu: Si?

Alma Çupi: Po! Natën ti nuk bën dot shëtitje buzë detit në një pjesë vije bregdetare të Ksamilit. Jo, nuk shkon dot të lahesh në darkë në det. Jo mua, ata do ma hapnin mua portën, por kur më thanë ti do futesh… nuk është normale kjo. Dhe nga kjo u mërzita.

Blendi Fevziu: Si moj i kanë bërë plazhet me derë?

Alma Çupi: Po me derë, me portë. Pasdite mbyllet porta dhe nuk lejohen. Mua më ndodhi vetë dhe pastaj u futa në pishinë. Ai thjesht kishte mbyllur plazhin se e quante të veten pjesën e territorit të plazhit./ CNA