web counter
LEXO PA REKLAMA!

SHKARKO APP

App Store
Google Play

Gara për hetuesit financiarë të SPAK-ut/ Ja 10 kandidatët që do të testohen në tetor

11 Tetor 2025, 19:56, Aktualitet CNA

Gara për hetuesit financiarë të SPAK-ut/ Ja 10 kandidatët

Mësohen emrat e kandidatëve që do të kalojnë në fazën tjetër të procedurës së konkurrimit për hetues financiarë, në Sektorin e Hetimit Financiar, në Prokurorinë e Posaçme.

Komisioni i Përzgjedhjes së Hetuesve Financiar në SPAK, pasi ka zhvilluar fazën e dytë të vlerësimit të kandidatëve që kanë aplikuar për këtë detyrë, ka kualifikuar 10 emra për zhvillimin e fazes së tretë të konkurrimit, të intervistës së strukturuar me gojë.

Bazuar në nenin 6, pika 8, shkronja b) dhe c) të rregullores nr. 248, datë 27.04.2022 “Për caktimin e rregullave për organizimin e procedurës së konkurimit dhe emërimit të hetuesve të Sektorit të Hetimit Financiar, në Prokurorinë e Posaçme”, në fazën e tretë të konkurrimit do të marrin pjesë vetëm kandidatë që në dy fazat e para të konkurrimit kanë grumbulluar minimum 40 (dyzet) pikë.

Bazuar në rezultate, në garë janë 10 kandidatë: Enea Sharra, Ermal Milori, Argjend Tota, Kreshnik Gjeçka, Gentian Ndoi, Ditmir Hoda, Ilir Deda, Fotjon Malaj, Klodian Vasia dhe Lutfi Minxhozi.

Emrat dhe pikët në total, të ndara në dy faza, paraqiten në tabelën e mëposhtme:

Gara për hetuesit financiarë të SPAK-ut/ Ja 10 kandidatët

Intervista e strukturuar me gojë me kandidatët për hetues financiarë, në Sektorin e Hetimit Financiar do të zhvillohet ditën e enjte, në datën 23.10.2025, në godinën e Prokurorisë së Posaçme kundër Korrupsionit dhe Krimit të Organizuar. Kandidatët do të njoftohen individualisht për orën e caktuar për zhvillimin e intevistës.

Kandidatët që në dy fazat e para të konkurrimit nuk kanë grumbulluar minimum 40 (dyzet) pikë do të njoftohen individualisht për rezultatet e tyre./CNA





Lajmet e fundit nga