web counter
LEXO PA REKLAMA!

SHKARKO APP

App Store
Google Play

Shpërndante lëndë narkotike në Kamëz/ Vihet në pranga 22-vjeçari

11 Tetor 2025, 11:18, Aktualitet CNA

Shpërndante lëndë narkotike në Kamëz/ Vihet në

Një 22-vjeçar është arrestuar në flagrancë pasi shpërndante lëndë narkotike të llojit kokainë në Kamëz. Në pranga është vënë i riu me inicialet E. P.

Gjatë kontrollit fizik dhe të banesës, 22-vjeçarit i është gjetur një sasi kokaine. Lënda narkotike u sekuestrua bashkë me automjetin e celularin e tij dhe me një peshore elektronike. 

Njoftimi i policisë: 

Tiranë/Finalizohet nga Seksioni për Hetimin e Narkotikëve operacioni policor i koduar “Bulevardi”.

Kapet në bulevardin “Nënë Tereza” dhe vihet në pranga një 22-vjeçar që shpërndante lëndë narkotike të llojit kokainë në zonën e Kamzës.

Sekuestrohen një sasi lënde e dyshuar narkotike kokainë që iu gjet 22-vjeçarit gjatë kontrollit fizik dhe në banesën e tij, një peshore elektronike, një automjet dhe një aparat celular.

Specialistët e Seksionit për Hetimin e Narkotikëve në DVP Tiranë, në vijim të punës për goditjen e aktivitetit kriminal të shpërndarjes së lëndëve narkotike, pas një pune të mirëfilltë hetimore, organizuan dhe finalizuan me sukses operacionin policor të koduar “Bulevardi”.

Si rezultat, u arrestua në flagrancë shtetasi E. P., 22 vjeç, banues në Valias.

Në bulevardin “Nënë Tereza”, Kamëz, shërbimet e Policisë kanë ndaluar automjetin me drejtues shtetasin 22-vjeçar, të cilit gjatë kontrollit fizik dhe të banesës i kanë gjetur një sasi lënde të dyshuar narkotike kokainë, e cila u sekuestrua në cilësinë e provës materiale, së bashku me automjetin, peshoren elektronike dhe aparatin celular.

Materialet procedurale i kaluan Prokurorisë, për veprime të mëtejshme./CNA





Lajmet e fundit nga