web counter
LEXO PA REKLAMA!

SHKARKO APP

App Store
Google Play

Vrasja e gjyqtarit/ Ish-kreu i Apelit, Malaj: Punonjësit e policisë duhet të jenë prezentë në gjykata

10 Tetor 2025, 21:35, Aktualitet CNA

Vrasja e gjyqtarit/ Ish-kreu i Apelit, Malaj: Punonjësit e policisë

Ish-kreu i Gjykatës së Apelit, Alaudin Malaj ka folur në lidhje me ngjarjen që tronditi opinionin publik, vrasjen e gjyqtarit Astrit Kalaja.

Malaj është shprehur se ishte një shok i madh për të kjo ngjarje duke e konsideruar si më të rëndën që nga viti 1993 deri në vitin 2022.

Në një intervistë Malaj tha se, masat e sigurisë kanë qenë më të rrepta dhe ka patru një koordinim më të mirë me policinë.

Ai tha se i vetmi cedim që ka sot është se punonjësi i policisë nuk është prezent.

“Ishte shok i madh për mua, të vritet në sallën e gjyqit është edhe më e rëndë. Nga viti 1993-2022 ska ndodhur asnjëherë ngjarje e tillë.

Masat e sigurisë kanë qenë absolutisht më të rrepta. Ka pasur koordinim më të mirë me policinë.

Ne kishim prezent punonjës të policisë së shtetit, kishim lidhje me njerëzit më të lartë të ministrisë së Brendshme. Ishte e padiskutueshme që grupet ishin në dispozicion të gjyqtarëve. Jo si sot që marrim 129.

I vetmi cedim që e kemi dhe sot, që punonjësi i policisë nuk është prezent. Njerëzit kanë frikë policin pasi përfaqëson shtetin. Punonjësit e security ruajnë godinën jo gjyqtarin.

Shmangia e policisë nga gjykatat përbëjnë problemin më të madh.

Kishte nga një policë në cdo gjykatë. Një gjykatë Apeli sot nuk ka policë. Thirrje kryeministrit të vendosin policinë në gjykata. Të rikthehen forcat e policisë në mbrojtje të gjyqtarëve, jo vetëm 1 por dhe 2 e 3.

Në kohën tonë, vec policit, kishte dhe punonjës të gjykatës, ishin të gjithë me detektor dore, rrinin në korridoret e gjykatës, por sot mund të funksionojë detektori i portës së jashtme.

Rindërtimi i sallës së gjyqit, ato që kemi bërë në 2013, sistemi audio video, gjykata e Apelit është e monitoruar me sallat e gjyqit. Kushdo të vijë e të bëjë një veprim të nxituar, do të shohë që ka kamera kudo. Dhe salla e publikut është e veçuar nga gjykata. Nuk kishte asnjë shans që mund të ndodhte kjo vrasje”, tha Malaj./ CNA





Lajmet e fundit nga