E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm Besfort Lamallari ka zbarkuar në Drej...

Kërcënoi gjyqtarët/ Reagon familja e Gjovalin Shkambit: Kërkojmë ndjesë, moment gjaknxehtësie

10 Tetor 2025, 08:56, Aktualitet CNA

Kërcënoi gjyqtarët/ Reagon familja e Gjovalin Shkambit:

Familja e Gjovalin Shkambit ka dhënë një reagim për mediat në lidhje deklaratat e bëra nga ai disa ditë më parë.

Gjovalin Shkambi, i cili është xhaxhai i autorit që ekzekutoi gjyqtarin Astrit Kalaja, deklaroi se ai gjyqtar që dënonte nipin e tij do të përballej me plumba.

Në lidhje me këtë deklaratë, familja e Gjovalin Shkambit thotë se është bërë në një moment gjaknxehtësie dhe tronditjeje.

Në deklaratën e bërë thuhet se respektojnë proceset ligjore që po zhvillohen.

Reagimi i familjes

E nisim këtë mesazh duke shprehur ngushëllimet më të sinqerta ndaj familjes së gjyqtarit të ndjerë! Shprehim keqardhje të thellë për gjithë situatën e krijuar pas deklaratave të babait tonë. Kërkojmë publikisht ndjesë për fjalët e thëna prej tij, të cilat, siç ka pranuar edhe vetë, janë shprehur në një moment gjaknxehtësie dhe tronditjeje të madhe.

Pavarësisht se drejtësia deri më tani nuk ka arritur ende të vendosë pikën përfundimtare mbi këtë çështje, ne nuk duam në asnjë mënyrë të përdorim gjuhë urrejtjeje ndaj personave që ushtrojnë detyrën e tyre dhe respektojmë proceset ligjore që po zhvillohen. Jemi plotësisht të vetëdijshëm se kërcënimet nuk mund të justifikohen në asnjë rrethanë, por kërkojmë mirëkuptim për gjendjen e rënduar emocionale dhe psikologjike në të cilën ndodhej babai ynë në ato momente. Ne si familjarë e kuptojmë plotësisht madhësinë dhe ndjeshmërinë e kësaj ngjarjeje, por kërkojmë me mirëkuptim që mediat të shmangin sa më shumë përfshirjen në jetën tonë familjare, pasi babai ynë është marrë në pyetje dhe është publikuar në momente jashtëzakonisht të vështira dhe në gjendje të rënduar psikologjike. Urojmë që drejtësia dhe qetësia të mbizotërojnë, dhe Zoti të bëjë atë që është më e mira për të gjithë!

Kujtojmë që të hënën e 6 tetorit, Elvis Shkambi qëlloi me armë zjarri në sallën e gjyqit, gjyqtarin Astrit Kalaja.

Ngjarje e ndodhur në Gjykatën e Apelit të Tiranës, ku Kalaja po gjykonte një konflikt pronësie, palë e së cilës ishte dhe familja Shkambi.

Vendimi i dhënë nga gjyqtari i ndjerë ishte në favor të palës kundërshtare të familjes Shkambi.