web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi/ Bashkia Vlorë ka vendosur instalimin e kontenierëve të nëndheshëm të plehrave në brezin e rërës

9 Tetor 2025, 19:00, Aktualitet CNA

Denoncimi/ Bashkia Vlorë ka vendosur instalimin e kontenierëve të

Ish-kryetari i Partisë Demokratike për Degën Vlorë, Atird Hoxha ka denoncuar se sot Bashkia e Vlorës ka ndërmarrë një vendim tërësisht të pakonsultuar me ekspertët dhe jashtë çdo standardi teknik.

Hoxha thotë se është vendosur instalimi i kontenierëve të nëndheshëm të mbeturinave në brezin e rërës, një zonë e dedikuar për pushuesit, dhe mbi një terren të paaksesueshëm nga kamionët që duhet të kryejnë zbrazjen e tyre.

Sipas tij ka një mashtim në raportimin se janë 100 kontenierë. Hoxha thotë se janë vetëm 50  të cilët duhej të ishin vendosur pas një procesi të qartë konsultimi me bizneset që operojnë përgjatë shëtitores bregdetare Skele – Ujë i Ftohtë.

Ai kërkon të hiqet dorë menjëherë nga ky vendim pasi është një marrëzi dhe sjell thjesht dhe vetëm ndotje

“Sot, Bashkia Vlorë ka ndërmarrë një veprim tërësisht të pakonsultuar me ekspertët dhe jashtë çdo standardi teknik.

Nxitimi për propagandë, me idenë se “po punohet”, po sjell pasoja të pariparueshme për zonën, ku me papërgjegjshmëri është vendosur instalimi i kontenierëve të nëndheshëm të mbeturinave.

Të investohet nuk është aspak problem, përkundrazi, është e mirëpritur, por t’i vendosësh këto kontenierë në brezin e rërës, një zonë e dedikuar për pushuesit, dhe mbi një terren të paaksesueshëm nga kamionët që duhet të kryejnë zbrazjen e tyre, është një çmenduri që vetëm këtu, dhe vetëm nga këta rilindas, mund të ndodhë.

Për më tepër, ka mashtrim edhe në raportimin e numrit të tyre, nuk janë 100, por vetëm 50 kontenierë, të cilët në fakt duhej të ishin vendosur pas një procesi të qartë konsultimi me bizneset që operojnë përgjatë shëtitores bregdetare Skele – Ujë i Ftohtë.

Hiqni dorë nga kjo marrëzi!

Konsultohuni me bizneset dhe me ekspertët e fushës për shpërndarjen dhe vendosjen e kontenierëve në vendndodhje të dakordësuara.

Sepse në këtë marëzi, në vend që të ofrohet një zgjidhje, këto kontenierë po sjellin ndotje dhe përkeqësim të situatës për këtë pjesë të qytetit”, denoncon Atird Hoxha./ CNA





Lajmet e fundit nga