web counter
LEXO PA REKLAMA!

SHKARKO APP

App Store
Google Play

E fundit!

x

Vendimi pas vrasjes së gjyqtarit Kalaja/ Dhoma Kombëtare e Avokatisë, me mbledhje nga telefoni dhe WhatsApp-i

9 Tetor 2025, 18:25, Aktualitet CNA

Vendimi pas vrasjes së gjyqtarit Kalaja/ Dhoma Kombëtare e

Pak ditë më parë, Dhoma Kombëtare e Avokatisë njoftoi vendimin për bojkotin e të gjitha proceseve hetimore dhe ato gjyqësore, për çështjet penale, civile dhe administrative, në të gjitha nivelet e gjykimit, për datat 9 dhe 10 tetor 2025.

Bazuar në njoftim, për këtë vendim pikërisht për këto dy data u mor shkas nga ngjarja e paprecedentë e vrasjes brenda sallës së gjyqit të gjyqtarit të Gjykatës së Apelit në Tiranës, Astrit Kalaja.

Por pse nuk u caktua si ditë bojkoti data 8 tetor, ditë kur u zhvilluan edhe homazhet për gjyqtarin?

CNA kontaktoi kreun e Dhomës Kombëtare të Avokatisë, Maksim Haxhia, i cili shpjegoi se datat e vendosura ishin një vijim i vendimit nga KLGJ dhe KLP për ndalimin e proceseve, që ishin vendosur për datat 7 dhe 8 tetor.

“Sepse për datat 7 dhe 8 është marrë vendim nga KLGJ dhe KLP për shkak të homazheve dhe të mbledhjes së përgjithshme të gjithë gjyqtarëve, se nuk do të ketë procese, as hetimore e as gjyqësore. Po kështu, edhe shumë gjykata kanë vendosur të mos punojnë, Gjykata e Tiranës, Vlorës, etj”,-shprehet Haxhia.

Deri këtu, kuptohet se është është marrë një vendim i përbashkët nga anëtarët e Dhomës së Avokatisë, të lidhur me datat nga vendimet e disa prej institucioneve më të larta të drejtësisë dhe homazhet për gjyqtarin.

Por, si u zhvillua mbledhja e Komitetit Drejtues së Dhomës së Avokatisë dhe në cilat rrethana?

CNA iu drejtua Dhomës Kombëtare të Avokatisë përmes një kërkese për informacion, se në cilat ambiente u mblodh Komiteti Drejtues dhe në cilën orë? Dhe a kanë mbajtur ndonjë procesverbal nga diskutimet apo propozimet e rastit?

Pëgjigjia e marrë këtë të enjte nëpërmjet një procesverbali, vërtetohet një informacion i siguruar më parë nga CNA, se nuk ka pasur një mbledhje të rregullt.

Kjo, pasi në procesverbal cilësohet se anëtarët e Komitetit Drejtues kanë dhënë dakordësinë e tyre përmes telefonit dhe WhatsApp-it.

Vendimi pas vrasjes së gjyqtarit Kalaja/ Dhoma Kombëtare e
Procesverbali i mbajtur nga DHKA

Në cilën pikë të statutit të kësaj Dhome shkruhet se mbledhjet zhvillohen në what’s app?

Pra rezulton se është marrë një vendim përmes telefonit dhe më pas është firmosur nga drejtuesi dhe personi i realizimit të kontaktit. Ata nuk kanë hedhur vetë firmat për këtë vendim.

Ajo çka po raportohet nga CNA është thjesht një parregullsi e kryer nga Dhoma Kombëtare e Avokatisë, pa pasur asnjë mbledhje të rregullt, por vetëm përmes komunikimeve me aplikacione telefonike, siç ka ndodhur në plot raste edhe me bisedat e shumëpërfolura në SKY ECC të emrave të krimit./CNA





Lajmet e fundit nga