web counter
LEXO PA REKLAMA!

SHKARKO APP

App Store
Google Play

E fundit!

x

"Të gatshëm të bashkëpunojmë me këdo"/ Bani: Gjyqet zhvillohen në zyrat e gjyqtarëve

9 Tetor 2025, 12:18, Aktualitet CNA

"Të gatshëm të bashkëpunojmë me këdo"/

Zëvendëskryetari i Gjykatës së Posaçme, Erion Bani, në një deklaratë për mediat, ka thënë se u qëndron të gjitha deklaratave të bëra ditën e djeshme në lidhje me sigurinë e gjyqtarëve.

Bani tha se është fakt që gjykatat nuk kanë kushte komode. Drejtuesi i GJKKO u shpreh se ka raste kur seancat gjyqësore zhvillohen në zyrat e gjyqtarëve dhe jo në salla gjyqi, pasi këto të fundit mungojnë.

Duke u ndalur te shtimi i masave të sigurisë, Bani tha se është e pranueshme çdo lloj mase e shtuar nga çdo pushtet. Më tej, ai tha se janë të gatshëm të bashkëpunojnë me këdo për garantimin e sigurisë së qytetarëve.

 

“Pasi të mbarojë mbledhja do të ketë një deklaratë dhe do të informohet media për çdo vendim.

U qëndroj të gjitha deklaratave që dhashë ditën e djeshme. Është fakt i ditur botërisht, të gjitha gjykatat nuk kanë kushte komode. Që shërbimi të jepet sa më i mirë duhen kushte sa më të mira. Siguria është minimalja. Nëse gjyqet zhvillohen në zyrat e gjyqtarëve se s’ka salla nuk mund të bëhet drejtësia. Për ne është e pranueshme çdo lloj mase për shtimin e masave të sigurisë. Jemi të gatshëm të bashkëpunojmë me këdo. Siguria e gjyqtarëve është thelbësore”, tha Bani.





Lajmet e fundit nga