web counter
LEXO PA REKLAMA!

SHKARKO APP

App Store
Google Play

E fundit!

x

Dumani, takim me ministret belge/ Fokusi te goditja e krimit të organizuar

9 Tetor 2025, 10:53, Aktualitet CNA

Dumani, takim me ministret belge/ Fokusi te goditja e krimit të organizuar

Kreu i Prokurorisë së Posaçme, Altin Dumani, ka zhvilluar takime me ministren e Drejtësisë së Belgjikës, Annelies Verlinden dhe me ministren e Azilit dhe Emigracionit të Mbretërisë, Anneleen van Bossuyt.

Takimi u njoftua nga SPAK-u, ku u tha se në fokus ishte bashkëpunimi i SPAK-ut me agjencitë ligjzbatuese belge.

Gjatë takimit Dumani theksoi rëndësinë e shkëmbimit të informacionit dhe koordinimit të operacioneve të përbashkëta.

Ministrja belge e drejtësisë tha se krimi i organizuar mund të ndëshkohet vetëm duke gjurmuar paratë.

 

Njoftimi i SPAK-ut

Drejtuesi i Prokurorisë së Posaçme, z. Altin Dumani, u takua me Ministren e Drejtësisë së Belgjikës, znj. Annelies Verlinden, dhe me Ministren e Azilit dhe Emigracionit të Mbretërisë së Belgjikës, znj. Anneleen Van Bossuyt.

Gjatë takimit u diskutua për bashkëpunimin e suksesshëm dhe forcimin e tij mes SPAK dhe agjencive ligjzbatuese belge, në kuadër të luftës kundër krimit të organizuar.

Z. Dumani theksoi rëndësinë e shkëmbimit të informacionit, koordinimit të operacioneve të përbashkëta dhe rritjes së efikasitetit në hetimin dhe ndjekjen penale të krimit të organizuar transnacional.

Ministrja znj. Verlinden tha se bashkëpunimi ndërkombëtar është thelbësor për të thyer modelin e biznesit të grupeve dhe organizatave kriminale. “Ne mund t’i ndëshkojmë ata në mënyrë efektive vetëm duke gjurmuar paratë” – tha ajo./CNA





Lajmet e fundit nga