web counter
LEXO PA REKLAMA!

SHKARKO APP

App Store
Google Play

E fundit!

x

Elvis dhe Gjon Shkambi u lanë në qeli/ Avokati: Vrasja ndodhi për shkak të tronditjes, akt i patolerueshëm

9 Tetor 2025, 09:46, Aktualitet CNA

Elvis dhe Gjon Shkambi u lanë në qeli/ Avokati: Vrasja ndodhi për

Përfundon seanca gjyqësore në ngarkim të Elvis Shkambit, i cili vrau me armë zjarri në Gjykatën e Apelit gjyqtarin Astrit Kalaja, xhaxhait të tij Gjon Shkambi dhe rojës së Gjykatës së Apelit. Të tre personat u lanë në qeli.

Avokati Kujtim Ibraj tha se klienti i tij e ka kryer krimin në kushtet e tronditjes pas dhënies së vendimit. Avokati deklaroi se armën e mbante sepse punonte në disa institucione.

Për Gjon Shkambin tha se nuk ka prova se ka qenë nxitës i vetëgjyqësisë.

Ndërsa për rojën e gjykatës tha se ai kishte marrë leje për shkak se vuan nga diabeti, por nuk ishte zëvendësuar në turn dhe ky problem shëndetësor i ka shkaktuar probleme me shikimin.

"Në momentin që është dhënë vendimi është tronditur thellë dhe qëlloi në drejtim të gjyqtarit.

Shtetasi nën hetim ishte totalisht i mpirë dhe ka pritur forcat e policisë pasi i ka ardhur vetëdija për t’i dorëzuar armën.

Nuk ka prova që Gjon Shkambi është shtytës, nuk ka pasur dijeni, por nuk ka dalë askush para armës sepse nipi ishte i tronditur. Elvis Shkambi qëlloi teksa gjyqtari dilte nga salla.

Nëse do të kishte veprime shtytëse hetimi dhe procedimi për kanosje duhej të kishin nisur që atëherë dhe jo tani.

Për hir të së vërtetës ai mbante armë prej disa vitesh, arsyeja do të sqarohet më vonë. Kjo familje ka vuajtur shumë për shkak të çështjes civile dhe ka shumë borxhe. Tronditja është shkaktuar nga vendimi. Elvis Shkambi ka punuar në disa institucione sigurie prandaj ka armë. Nuk kemi kërkuar ekspertim për shëndetin mendor, por do të kërkojmë.

Koxhaj kishte diabet dhe i ishte thënë se mund të lëvizte nga kancelarja e gjykatës, por nuk u zëvendësua në turn. Diabeti ul shikueshmërinë.

Nuk ka procedime të tjera dhe ata pretendojnë se drejtësia nuk ka bërë punën.

Elvis Shkambi ka kërkuar falje publike para gjykatës për gjyqtarin Astrit Kalaja dhe dy të plagosurit.

Nuk kam dijeni për Go FundMe, nuk duhet të krijojmë mite sepse është e patolerueshme vrasja. Gjyqtari nuk mund të vritet në krye të detyrës.

Por edhe shtyrja është e tejskajshme, nuk duhet të krijohen zvarritje sepse është alarmante. Në çështjet penale ka më shumë transparencë", deklaroi avokati./CNA

 

 





Lajmet e fundit nga