E fundit!

16:41 Aktualitet

Marshim dhe thirrje kundër qeverisë/ Mbahet sot protesta e 45-të në Tiranë

Ditën e sotme mbahet protesta e 45-të qytetare kundër qeve...

Para të padeklaruara dhe dokumente të falsifikuara në Rinas/ Procedohen 6 persona

8 Tetor 2025, 17:32, Aktualitet CNA

Para të padeklaruara dhe dokumente të falsifikuara në Rinas/

Dy shtetas nga Maqedonia e Veriut janë proceduar penalisht pasi tentuan të kalojnë kufirin me mijëra euro të padeklaruara. Dyshja do të udhëtonin drejt Norvegjisë me 22 805 euro dhe 2600 dinarë maqedonas të padeklaruara, para të cilat u sekuestruan nga policia.

Gjithashtu janë proceduar penalisht edhe 4 persona të tjerë sepse tentuar tentuan të kalojnë në aeroportin e Rinasit me dokumente false, të cilat u sekuestruan nga policia.

Njoftimi i policisë:

PKK Rinas

Kontrollet e imtësishme në dalje të Republikës së Shqipërisë, rezultojnë me goditjen e 6 rasteve të paligjshmërive.

Procedohen penalisht autorët e tyre.

Sekuestrohen 22 805 euro, 2600 dinarë maqedonas dhe 6 dokumente false.

Si rezultat i kontrolleve dhe verifikimeve, shërbimet e Policisë Kufitare të Rinasit goditën 2 raste të mosdeklarimit të të hollave në kufi dhe 4 raste të tentativës për të lëvizur me dokumente false. Në përfundim të veprimeve procedurale për 6 rastet e paligjshmërive, u referuan materialet në Prokurori, ku nisi procedimi në gjendje të lirë për:

-shtetasin nga RMV-ja, A. J., 33 vjeç, i cili do të udhëtonte drejt Norvegjisë, pasi iu gjetën 11 800 euro dhe 2600 dinarë maqedonas, që nuk i kishte deklaruar;

-shtetasin nga RMV-ja, B. I., 43 vjeç, i cili do të udhëtonte drejt Norvegjisë, pasi iu gjetën 11 005 euro që nuk i kishte deklaruar;

-shtetasin A. R., 30 vjeç, banues në Kamzë, i cili do të udhëtonte drejt Holandës, pasi iu gjetën 1 kartë identiteti dhe 1 leje drejtimi polake, të dyshuara false;

-shtetasin K. S., 20 vjeç, banues në Shkodër, i cili do të udhëtonte drejt Italisë, pasi iu gjetën 1 kartë identiteti dhe 1 pasaportë polake, të dyshuara false;

-shtetasin A. K., 36 vjeç, banues në Fier, i cili do të udhëtonte drejt Gjermanisë, pasi iu gjet 1 leje drejtimi braziliane e dyshuar false;

-shtetasen braziliane L. M., 33 vjeçe, e cila do të udhëtonte drejt Gjermanisë, pasi iu gjet 1 leje drejtimi italiane e dyshuar false.

Kontrollet dhe verifikimet do të vijojnë.

Materialet procedurale iu referuan Prokurorisë së Tiranës, për veprime të mëtejshme./CNA