web counter
LEXO PA REKLAMA!

SHKARKO APP

App Store
Google Play

E fundit!

x

"Është fakt që në salla gjyqi duhet të ketë efektivë policie"/ Bani: Nëse nuk ka siguri gjyqtari, nuk ka drejtësi

8 Tetor 2025, 10:44, Aktualitet CNA

"Është fakt që në salla gjyqi duhet të ketë

Drejtuesi i Gjykatës së Posaçme, Erion Bani, ka qenë i pranishëm në homazhet për gjyqtarin e ndjerë Astrit Kalaja.

Më pas, kreu i GJKKO-së ka dhënë dhe një prononcim për mediat në të cilin tha se në asnjërën nga gjykatat e vendit nuk plotësohen kushtet e sigurisë. Bani tha se pa u garantuar siguria në gjykata nuk mund të ketë drejtësi.

Më tej ai njoftoi se ditën e nesërme do të zhvillohet një mbledhje me të gjithë gjyqtarët e vendit ku do të adresohen të gjitha problematikat e sistemit të drejtësisë në organet komnpetente dhe do të bëhen të gjitha analizat.

Bani bëri thirrje që ky moment të shihet si një moment reflektimi që gjykatat nuk mund të lihen më në këtë situatë dhe kërkoi që secili prej aktorëve të përmbyshë detyrat e caktuara.

Sa i përket sigurisë në sallën e gjyqit, drejtuesi i GJKKO-së deklaroi se është fakt që duhet të jetë i pranishëm dhe një efektiv policie dhe tha se mungesa e policisë do të adresohet në organet kompetente.

 

“Asnjë gjykatë, me përjashtim të ndonjërës, nuk plotëson kushtet e sigurisë. Të gjitha gjykatat duhen të ndërtohen nga fillimi për të plotësuar kushtet. Nëse nuk ka siguri gjyqtari nuk ka drejtësi. Kur flitet për sigurinë e gjykatave nulk flitet vetëm për sigurinë e gjyqtarëve, janë të gjithë aktorët. Ky moment është moment reflektimi. Nëse nuk ekziston siguria në gjykatë, çdokush që vjen në një sallë gjyqi ndihet në rrezik.

Kërkesat kanë qenë të vazhdueshme për të pasur godina të reja. Moment reflektimi që gjykatat nuk mund të lihen në këtë situatë. Kërkon një analizë të thellë. Nesër do të ketë mbledhje të të gjithë gjyqtarëve, do të bëhen të gjitha analizat dhe do të adresohen të gjitha problematikat në organet kompetente. Secili prej aktorëve të përmbushin detyrat dhe më pas do të kërkohet llogari një për një për ata që nuk i plotësojnë detyrat.

Është fakt që në salla gjyqi duhet të jetë i pranishëm punonjësi i policisë. Se pse nuk ndodh kjo do të adresohet në organet kompetente”, tha Bani./CNA





Lajmet e fundit nga