web counter
LEXO PA REKLAMA!

SHKARKO APP

App Store
Google Play

E fundit!

x

Ekzekutimi i gjyqtarit Kalaja/ Çollaku: Reforma në drejtësi, dështim total

7 Tetor 2025, 17:56, Aktualitet CNA

Ekzekutimi i gjyqtarit Kalaja/ Çollaku: Reforma në drejtësi,

Gazetari Basir Çollaku është shprehur se vrasja e gjyqtarit Astrit Kalaja ditën e djeshme në Gjykatën e Apelit është një atentat ndaj reformës në drejtësi. 

Ai tha se humbja e besimit të qytetarëve ndaj institucioneve të drejtësisë mund të çojë në vetëgjyqësi. Në një dalje televizive, gazetari tha se reforma në drejtësi ka qenë një dështim total dhe se është e nevojshme të ribëhet.

"Do të thoja se ishte një akt terrorist i ndodhur brenda sallës së gjyqit dhe asaj që ne presim drejtësi. Është edhe një atentat kundër reformës në drejtësi. Ne shikojmë edhe rënie dhe humbje e besimit ndaj institucioneve. Kur ekzekutimi hyn në sallën gjyqësore, mund të hyjë edhe në prokurori.

Harku kohor i një shqyrtimi të një çështje ligjore ka qenë rreth 2 vite, dhe sot vijnë nipi dhe xhaxhai për të vendosur drejtësi. Humbja e besimit ndaj institucioneve mund të çojë edhe në vetëgjyqësi. Mund të ndodhë edhe ndaj qytetarëve goditje e pronave dhe ata janë nën trysni për të fituar. Ne jemi të pasigurt nga rendi dhe siguria.

Kemi pasur edhe futje të duarve, të dokumentave dhe ndërrimit të tyre. Sistemi ka mekanizmat e tij të kontrollit. Kemi edhe disa funksionarë dhe zyrtarë të cilët masakrojnë çështjen e pronave. A kishin ne një parandalim për këtë ngjarje? Padiskutim që kishim. Në 2014 janë bërë edhe disa ndryshime në Gjykata. Ka një zvarritje të çështjeve nëpër Gjykata. Pse nuk reagojnë institucionet në kohë?

Gjyqtarët mund të kenë rreth 20 dosje në ditë, dhe nuk kanë staf. Ka një lloj kompromisi midis drejtësisë dhe mazhorancës. Mund të them se duhet edhe dorëheqje. Duhet një reformim në drejtësi që nga pala drejtuese në vitin 2015. Kjo reformë është një dështim total, dhe duhet ribërë.”, tha Çollaku./CNA

 





Lajmet e fundit nga