web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e gjyqtarit Kalaja/ Sociologu: Hap ‘Kutinë e Pandorës’, shoqëria me reagim të diversifikuar

7 Tetor 2025, 21:28, Aktualitet CNA

Vrasja e gjyqtarit Kalaja/ Sociologu: Hap ‘Kutinë e

Sociologu Gëzim Tushi ka ndarë sot disa shpegime sociologjike lidhur me vrasjen e gjyqtarit Astrit Kalaja.

E ftuar në A2CNN, Tushe tha se kjo ngjarje është një precedent që hap ‘Kutinë e Pandorës’ dhe një rast kur shoqëria ka reaguar në mënyrë të diversifikuar e të lidhura me interesat e secilit.

Sociologu shpjegoi se ngadalësia e proceseve gjyqësore është një nga arsyet kryesore që nxit njerëzit, që duke i zvarritur ndjell ndjenjën e vetëgjyqësisë.

“Ngjarja që ka ndodhur dhe humbja e jetës së gjyqtarit është një precedent që hapi kutinë e Pandorës dhe shoqëria ka reaguar në mënyrë të diversifikuar, të lidhura me interesat e secilit. Është një ngjarje e rëndë. Kjo në enumeracionin e krimeve është përtej asaj që mund të imagjinohet dhe tregon se krimi kërkon të dominojë. Ka raste kur ligje të gabuara bëhen shkak për vetëgjyqësi. Ligji 7501 e ka bërë këtë kaos të madh. Neni i parë mbron pronën, lirinë dhe prestigjin.

Duhet të korrigjojmë të keqen. Mbase nuk e kthejmë dot 7501, por me ndërhyrje ta kthejmë në normalitet. Kemi ligje shumë, detyra e tij është të mbrojë drejtësinë. E treta ka të bëjë me personalitetin e gjyqtarëve tanë. Të tre këta fenomene janë bërë eksploziv dhe kanë reagime të forta. Nuk kemi shoqëri me urrejtje ndaj drejtësisë.

Vetingu tregoi se drejtësia nuk ishte e purifikuar nga mëkatet. Nëse do të kemi gjyqtarë që nuk shohin ligjin por luksin e tyre, kjo gjë bie në sy dhe qytetari e kupton. Zvarritja e proceseve tregon për një anomali në sistem dhe duhet korrigjuar. Debati që u hap është i mirë. U godit shteti, alarmi duhet të jetë maksimal. Politika duhet të marrë masa për të vendosur shtetin ligjor.

Nëse gjyqësorit i shqepen tegelat nga presioni dhe pasiguria dhe siguria e budallait nuk mund të funksionojë. Nëse magjistratët nuk ruajnë integritet atëherë të gjitha këto çojnë në veprime të gabuara dhe kriminale. Ngadalësia e proceseve është një nga arsyet kryesore që nxit njerëzit, që duke i zvarritur, ndjell ndjenjën e vetëgjyqësisë”,-tha Tushi./CNA

 





Lajmet e fundit nga