web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e gjyqtarit Kalaja/ Ish-prokurori: Gjyqësorit i kemi dhënë status dhe rritje rroge, por jo siguri

7 Tetor 2025, 19:55, Aktualitet CNA

Vrasja e gjyqtarit Kalaja/ Ish-prokurori: Gjyqësorit i kemi dhënë

Ish-prokurori, Arjan Ndoja deklaroi sot se problemi më i madh me punonjësit e sistemit gjyqësor është se deri më tani u është dhënë vetëm status dhe u është rritur rroga, por nuk u është garantuar siguri.

I ftuar në ‘Syri Tv’, Ndoja përmendi disa problematika me të cilat përballen gjyqtarët gjatë punës së tyre.

Ndoja tha se mungojnë edhe investimet për sallat e gjyqit dhe ambiente të tjera për proceset gjyqësore.

“Me ngjarje të tilla u bëhet presion të gjithë trupës gjyqësore. Janë disa rregulla dhe parime që duhet ta shpejtojnë procesin gjyqësor. Veçse u janë rritur rrogat, nuk ka ndryshuar asnjë aspekt tjetër. Nuk është bërë asnjë investim për sallat e gjyqit. Janë ceremonialitete. E keni parë edhe në filma, që për të hyrë në institucione të tilla, duhet të kalohet nëpër kontrollet. Salla e gjyqit duhet të ketë punonjës dhe sistem sigurie. E kemi vetëm në raste kur kemi të pandehur të paraburgosur, jo për raste të tjera. Nuk dua ta banalizoj, por bëhet si te ‘Shihemi në gjyq’. Sallat e gjyqit janë të pakta në numër. Mungesa e kushteve i bën të krijojnë edhe afrimitet dhe solemnitet. Gjyqësorit i kemi dhënë një status, i kemi rritur edhe rrogën, por nuk kemi ndryshuar asgjë tjetër”,-tha Ndoja./CNA

 

 





Lajmet e fundit nga