web counter
LEXO PA REKLAMA!

SHKARKO APP

App Store
Google Play

E fundit!

x

"Duhet të rikthehet siguria, jo më roje private"/ Malaj: Gjyqtarët duhet të riarmatosen

8 Tetor 2025, 12:48, Aktualitet CNA

"Duhet të rikthehet siguria, jo më roje private"/ Malaj:

Ish-kreu i Gjykatës së Apelit, Alaudin Malaj, ka komentuar ngjarjen e rëndë ku u ekzekutua gjyqtari Astrit Kalaja brenda sallës së gjyqit në Gjykatën e Apelit nga përfaqësuesi i njërës nga palët në një gjyq pronësie.

“Diçka e tmerrshme për mua që ndodhi në Gjykatën e Apelit të Tiranës, në qendër të Tiranës. Duke u shprehur ngushëllimet familjarëve të gjyqtarit Kalaja, e njihja dhe vetë personalisht. Ishte gjyqtar karriere, nuk kishte dështuar asnjëherë, ky ishte rasti flagrant. Të gjithë kanë folur me keqardhje për gjyqtarin, une e kam pasur në krah, e kam provuar çfarë njeriu ishte. Është një shprehje popullore, i miri është më i lehtë për t'u qëlluar se i keqi", tha Malaj.

Malaj tha se Kalaja ishte një gjyqtar me karrierë brilante dhe vrasja e tij ishte fatale.

"Ne nuk na ka ikur një gjyqtar, por një gjyqtar me karrierë brilante. Për sa i përket ngjarjes për mua ishte fatale".

Ish-kreu i Gjykatës së Apelit tha se gjyqtarët duhet të riarmatosen siç ishte para vitit 2013 pasi kështu rikthehet siguria.

"Ka pasur dhe në kohën time ndikime nga persona të armatosur apo të paarmatosur për të qëlluar ndonjë gjyqtar. Por në krahasim të asaj kohe me sot ka diferencë të madhe. E para gjyqtarët ishin të gjithë të armatosur, por me ardhjen e qeverisë së majtë u janë hequr armët. Edhe kur ua jep u thotë i mbani në shtëpi.

E para gjë që duhet kthyer urgjentisht si para 2013 është se duhet t’i armatosë. Rikthimi i sigurisë. Kur isha unë drejtues ishte polici ai që siguronte jo roja private. Nuk ka ndodhur rastësisht ngjarja. Gjykata e Apelit është më e rëndësishmja në Republikën e Shqipërisë. Në këto kushte të gjitha këto kanë qenë të lëna pas dore", tha Malaj./CNA

 

 

 

 

 





Lajmet e fundit nga