web counter
LEXO PA REKLAMA!

SHKARKO APP

App Store
Google Play

E fundit!

x

Situata në sistemin gjyqësor/ Dervishi: Mungon reagimi dhe një plan emergjent për ta zgjidhur

8 Tetor 2025, 21:10, Aktualitet CNA

Situata në sistemin gjyqësor/ Dervishi: Mungon reagimi dhe një

Analisti Lutfi Dervishi komentoi sot mbi situatën e sistemit gjyqësor në vend, pas vrasjes së gjyqtarit Astrit Kalaja.

I ftuar në A2CNN, Dervishi u shpreh se ngjarja nuk është vetëm një vrasje fizike, por edhe një vrasje e shpresës për drejtësi.

Dervishi shtoi se është e njohur situata e mbingarkesës së këtyre institucioneve për shkak të hartës gjyqësore, teksa theksoi se mungon reagimi dhe një plan emergjent për ta zgjidhur këtë problematikë.

“Sot, në Gjykatën e Apelit janë 45 mijë dosje të mbartura, për shkak edhe të hartës së re gjyqësore. Kjo situatë është e njohur, por mungon reagimi dhe një plan emergjent për ta zgjidhur.

Një drejtësi e vonuar është drejtësi e mohuar.

Aty mund të ishte çdo gjyqtar. Kjo nuk është vetëm një vrasje fizike, por edhe një vrasje e shpresës për drejtësi.

Urrejtja ndaj sistemit është pasojë e mungesës së besimit dhe efikasitetit. Rreziku është që gjithçka të harrohet, pa asnjë ndryshim real në funksionimin e drejtësisë”,-tha Dervishi./CNA





Lajmet e fundit nga