web counter
LEXO PA REKLAMA!

SHKARKO APP

E fundit!

x

Vrasja e gjyqtarit Astrit Kalaja/ Jepen sot masat e sigurisë

9 Tetor 2025, 08:28, Aktualitet CNA

Vrasja e gjyqtarit Astrit Kalaja/ Jepen sot masat e sigurisë

Ditën e sotme në Gjykatën e Tiranës do të jepen masat e sigurisë për tre të arrestuarit në lidhje me vrasjen e gjyqtarit Astrit Kalaja.

Masat e sigurisë do të jepen për autorin e vrasjes, Elvis Shkambi, xhaxhanë e tij, Gjon Shkambi, dhe rojen e sigurisë së Gjykatës së Apelit.

Gjyqtari Astrit Kalaja u qëllua me armë në sallën e gjyqit të Gjykatës së Apelit nga Elvis Shkambi, ditën e hënë. Shkak është bërë konflikti i pronësisë që familja Shkambi ka në Shkodër dhe vendimi i gjyqtarit pro palës tjetër.

Autori Elvis Shkambi ka qenë i pranishëm në sallën e gjyqit, ku në orën 14:00 kishte nisur një seancë për një çështje pronësie, në të cilën ishte palë e gjyqit xhaxhai i tij.

Më pas, seanca ka vijuar normalisht derisa gjyqtari Astrit Kalaja u njoh me pretendimet e të dyja palëve.

Disa minuta më vonë, gjyqtari ka dhënë vendim në favor të palës kundërshtare të Shkambit, shtetasit R. K. dhe E. K., të cilët janë plagosur dhe janë jashtë rrezikut për jetën.

Shkambi e ka qëlluar me pistoletë gjyqtarin sapo ka dhënë vendimin.

Pas krimit të kryer brenda gjykatës, autori i ka dorëzuar armën rojës së sigurisë së gjykatës dhe më pas është larguar tek oborri i gjykatës, ku jashtë ishte edhe patrulla e policisë.

Autori nuk ka bërë rezistencë dhe ka qëndruar në ambientet e oborrit të gjykatës derisa policët i vendosën prangat.





Lajmet e fundit nga