web counter
LEXO PA REKLAMA!

SHKARKO APP

App Store
Google Play

E fundit!

x

I dënuar në Itali me 16.4 vjet burg për trafik narkotikësh dhe prostitucion/ Arrestohet 56-vjeçari në Muriqan

11 Tetor 2025, 10:14, Aktualitet CNA

I dënuar në Itali me 16.4 vjet burg për trafik narkotikësh

Një 56-vjeçar është arrestuar në pikën kufitare të Muriqanit pasi ishte i shpallur në kërkim ndërkombëtar.

Gjykata e Apelit në Ankona të Italisë e ka dënuar 56-vjeçarin me 16 vjet e 4 muaj burg për “Grup kriminal në trafikimin e lëndëve narkotike” dhe “Grup kriminal me qëllim shfrytëzimin e prostitucionit”.

Ndërkohë bëhet me dije se do të kryhen procedurat për ekstradimin e shtetasit Spartak Joanu në Itali. 

Njoftimi i policisë: 

PKK Muriqan

Kapet nga shërbimet e Policisë Kufitare dhe arrestohet, me qëllim ekstradimin në Itali, një shtetas i shpallur në kërkim ndërkombëtar.

Shërbimet e Policisë Kufitare të PKK Muriqan, si rezultat i kontrolleve të shtuara dhe i shkëmbimit të informacionit me Interpol Tiranën, kanë kapur në hyrje të RSh-së shtetasin Spartak Joanu., 56 vjeç, banues në Fier.

Ky shtetas ishte shpallur në kërkim ndërkombëtar, pasi Gjykata e Apelit në Ankona, Itali, e ka dënuar me 16 vjet e 4 muaj burg për veprat penale “Grup kriminal në trafikimin e lëndëve narkotike” dhe “Grup kriminal me qëllim shfrytëzimin e prostitucionit”, në zbatim të legjislacionit penal italian.

Interpol Tirana, në bashkëpunim me Interpol Romën, do të kryejë procedurat për ekstradimin e 56-vjeçarit në Itali./CNA





Lajmet e fundit nga