web counter
LEXO PA REKLAMA!

SHKARKO APP

App Store
Google Play

Konflikt fizik dhe drejtim makine në gjendje të dehur/ Procedohen 5 persona, arrestohen tre të tjerë

11 Tetor 2025, 14:57, Aktualitet CNA

Konflikt fizik dhe drejtim makine në gjendje të dehur/ Procedohen 5

Katër të mitur dhe një 19-vjeçar janë proceduar penalisht nga policia pasi janë konfliktuar fizikisht me njëri-tjetrin. Në njoftimin e policisë së Tiranës bëhet me dije se është ndaluar nga policia edhe një 50-vjeçar për ndërtim pa leje. 

Ndërkohë, dy persona të tjerë janë vënë në pranga pasi janë kapur duke drejtuar automjetin në gjendje të dehur. Një prej tyre kishte thyer dhe masën e sigurisë “Arrest në shtëpi”, dhënë nga Gjykata e Durrësit.

Njoftimi i policisë:

Specialistët për Hetimin e Krimeve të Komisariatit Nr. 5 referuan materialet në Prokurori, ku nisi procedimi në gjendje të lirë për katër shtetas të mitur dhe një 19-vjeçar, pasi, për motive të dobëta, janë konfliktuar fizikisht me njëri-tjetrin.

Specialistët për Hetimin e Krimeve të Komisariatit Nr. 6 ndaluan shtetasin S. Ll., 50 vjeç, pasi është konstatuar se në objektin e tij (pallat në ndërtim), në Yzberisht, ka kryer punime ndërtimi pa leje, në hapësirën e përbashkët të pallatit.

Specialistët për Hetimin e Krimeve të Komisariatit Krujë arrestuan shtetasin A. M., 53 vjeç, pasi u konstatua duke drejtuar automjetin në gjendje të dehur.

Specialistët e Qarkullimit Rrugor arrestuan shtetasin Y. M., 40 vjeç, pasi u konstatua duke drejtuar automjetin në gjendje të dehur. Nga verifikimet përkatëse ka rezultuar se 40-vjeçari ka thyer masën e sigurisë “Arrest në shtëpi”, dhënë nga Gjykata e Durrësit./CNA





Lajmet e fundit nga