E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

55 ditët e turpit/ Erion Veliaj dhe Mero Baze vijojnë mashtrimin publik

11 Tetor 2025, 15:46, Aktualitet CNA

55 ditët e turpit/ Erion Veliaj dhe Mero Baze vijojnë mashtrimin

Prej 55 ditësh, CNA i ka treguar dy mashtruesit opinionit publik, Erion Veliajn, kryetarin e shkarkuar, dhe Mero Bazen, rojën e tij mediatik.

Për 55 ditë me radhë, Erion Veliaj dhe Mero Baze vijojnë të gënjejnë shqiptarët në lidhje me prokurorin Ols Dado, duke hedhur akuza dhe shpifje se ky i fundit ka kërkuar një shtesë mbi lejen e ndërtimit dhe se kur Veliaj ishte në detyrë si kryebashkiak ia kishte refuzuar, ndaj dhe ai kishte nisur hetimet për hakmarrje dhe në konflikt interesi.

Për 55 ditë radhazi kemi kërkuar nga Erion Veliaj dhe Mero Baze të publikojnë dokumentin me firmën e Ols Dados për lejen dhe refuzimin me firmën e Veliajt për këtë leje, por nuk e kanë publikuar (thjesht sepse kërkesa nuk ekziston, njësoj si inceneratori i Tiranës).

Kjo gënjeshtër, ky mashtrim, vjen si një sulm ndaj drejtësisë dhe prokurorit.

Pretendimi i Erion Veliajt

Në pikën 135, Veliaj thotë se prokurori Ols Dado ka marrë një leje ndërtimi në Bashkinë e Tiranës dhe pastaj ka kërkuar një shtesë mbi atë me leje dhe kjo i është refuzuar.

55 ditët e turpit/ Erion Veliaj dhe Mero Baze vijojnë mashtrimin

Ndërsa në pikën 136 të dokumentit pa vulë dhe pa firmë, Erioni e trajton këtë si një çështje “hakmarrjeje” nga ana e prokurorit Ols Dado, sepse, sipas tij, nuk i është dhënë leja e ndërtimit për shtesën pasi ka bërë një kërkesë.

55 ditët e turpit/ Erion Veliaj dhe Mero Baze vijojnë mashtrimin

Pse nuk e nxjerr Veliaj, dokumentin me firmën e Ols Dados dhe refuzimin me firmën e tij?

Pretendimi i Mero Bazes

Mero Baze thotë se, sipas tij, hetimi ndaj Veliajt është i kërkuar me ngulm nga një prokuror, i cili muaj më parë ka pasur konflikt personal me të, lidhur me kërkesat e tij për një leje ndërtimi jashtë kritereve ligjore që kishte bashkia.

55 ditët e turpit/ Erion Veliaj dhe Mero Baze vijojnë mashtrimin

Pse nuk e vërteton Mero Baze? Pse nuk e publikon dokumentin me firmën e Ols Dados dhe refuzimin me firmë të Erion Veliajt?

Sot bëhen 55 ditë nga turpi i një ish-kryebashkiaku të kapur 9 herë në korrupsion, në shpërdorim detyre dhe me shumë vepra të tjera të rënda penale dhe mbetjes së tij mediatike./CNA