web counter
LEXO PA REKLAMA!

SHKARKO APP

App Store
Google Play

E fundit!

x

Floreta Faber zbulon shifrat/ 49 sulme kibernetike në Shqipëri vitin e kaluar, 20 të tjera në 2024-ën

24 Shtator 2024, 13:39, Aktualitet CNA
Floreta Faber zbulon shifrat/ 49 sulme kibernetike në Shqipëri vitin e
Floreta Faber, zv.drejtore e përgjithshme e Autoritetit Kombëtar për Sigurinë Kibernetike

Sulmet kibernetike në vend janë rritur, ku 49 sulme janë kryer në vitin e kaluar, ndërsa për këtë vit deri tani janë kryer të paktën 20 sulme.

Shifrat u bënë të ditura nga Floreta Faber, zv.drejtore e përgjithshme e Autoritetit Kombëtar për Sigurinë Kibernetike, gjatë një takimi të zhvilluar në Shkodër për trajnimin e punonjësve të administratës publike.

Ajo tha se mbi 70% të sulmeve vijnë për shkak të gabimeve njerëzore, pavarësisht investimeve…

“Qeveria shqiptare, duke filluar nga viti 2022 në mënyrë të veçantë, pas një sulmi shumë të përhapur do thoja në atë vit ka pasur sulme të herëpashershme kibernetike në sistemet qeveritare, por edhe në kompanitë private. Vetëm gjatë vitit të kaluar kanë depërtuar 49 sulme. Gjatë këti viti, që nga fillimi i këtij viti ka pasur të paktën 20 sulme të tjera, të cilat fatmirësisht janë përballuar me sukses. Sulmet janë të panumërta si në çdo fushë ku ka sulmues dhe mbrojtës, sulmet mund të vijnë nga të gjitha anët. E gjithë puna është si përgatitemi të mbrohemi nga këto sulme që vijnë.

Megjithë investimet e jashtëzakonshme që janë bërë në sistemet digjitale, në procese dhe në ngritjen e kapaciteteve është një statistikë botërore që mbi 70% e sulmeve vijnë nga gabimet njerëzore. Pra, pavarësisht se çfarë investimesh bëhen në këto sisteme, këto gabime njerëzore janë ato që me dashje apo pa dashje lejojnë hyrjen në sisteme të ndryshme”, tha Floreta Faber.

Ky trajnim kishte për qëllim njohjen me parimet bazë të sigurisë kibernetike dhe mënyrat për një përdorim të sigurt të internetit./ CNA





Lajmet e fundit nga