web counter
LEXO PA REKLAMA!

SHKARKO APP

App Store
Google Play

E fundit!

x

Çështja e kufirit detar/ Ish-ministri: Greqia mund të pretendojë që matja të bëhet nga ishujt

16 Dhjetor 2025, 18:47, Aktualitet CNA

Çështja e kufirit detar/ Ish-ministri: Greqia mund të

Ish-ministri i Jashtëm, Edmond Panariti komentoi sot lidhur me çështjen e hapur të Shqipërisë me Greqinë për kufirin detar.

I ftuar në A2 CNN, Panariti tha se vendimi i Gjykatës së Hagës mund të prodhojë veprim të dhimbshëm për Shqipërinë, pasi Greqia mund të ngrejë pretendimin e të kërkojë që ishujt të kenë të njëjtën ekuivalencë me pjesën kontinentale sa i përket matjeve.

“Çështja më madhore është ajo e kufirit detar. Me sa kam kuptuar, çështja do i lihet Gjykatës së Hagës, por deri tani nuk kemi asnjë hap ekzekutiv. Pala shqiptare deri tani nuk ka ndërmarrë asnjë hap. Megjithatë, të marrim hipotezën që çështja do të kalojë në Hagë. Së pari, Haga është gjykatë arbitrazhi që mund të prodhojë veprim të dhimbshëm për ne, që nuk kemi as të drejtë ta apelojmë.

Shqipëria në këtë rast humb sipërfaqe të mëdha ujore. Marrëveshja e mëparshme u rrëzua nga Gjykata Kushtetuese pikërisht për këtë arsye. Bushati, në vitin 2012, arriti një marrëveshje ku Shqipëria rimerrte 40 km katrorë sipërfaqe, por ajo nuk u ratifikua nga Parlamenti grek. Mbeti draft ajo marrëveshje. Tani, duke kaluar paketën e detit në Hagë, rrezikon të humbasë edhe këtë marrëveshje.

Në këndvështrimin tim nuk duhet ta çojmë të plotë çështjen e kufirit me Greqinë në Hagë. Kam rezervat e mia për aftësitë e palës sonë në Hagë, sa i përket përgatitjes me dokumenta për çështjen e kufirit. Kam bindjen se Greqia në Hagë do ngrejë pretendimin që matja të bëhet nga ishujt”,-tha Panariti./CNA

 





Lajmet e fundit nga