web counter
LEXO PA REKLAMA!

SHKARKO APP

App Store
Google Play

E fundit!

x

E rrallë në Shqipëri/ Ish-ministri i PD-së përgëzon për detyrën ministrin socialist

27 Shkurt 2026, 10:12, Aktualitet CNA

E rrallë në Shqipëri/ Ish-ministri i PD-së

Në 35 vite, në Shqipëri nuk ka ndodhur që ministrat opozitarë të urojnë kolegët e tyre kundërshtarë për një detyrë të re. Një fenomen që nuk ndodh me ministra apo kolegë brenda një partie që të urojnë njëri-tjetrin kur ndërrojnë karrigen.

Por Besnik Mustafaj, ish-ministri i Jashtëm, gjatë qeverisjes ka treguar të kundërtën duke treguar vlerat e tij si diplomat dhe si një intelektual.

Përmes një postimi në rrjetet sociale, ish-ministri i Jashtëm gjatë qeverisjes së PD-së, Besnik Mustafaj, ka përgëzuar Ferit Hoxhën për detyrën e re si ministër i Jashtëm, i cili u emërua nga kryeministri Edi Rama, që shkarkoi nga posti Elisa Spiropalin.

“Si koleg i hershëm, por edhe si ministër që e përfshiva në rrethin e afërt të bashkëpunëtorëve të mi duke i dhënë shtysën e parë të madhe karrierës së tij, i uroj përzemërsisht suksese Ferit Hoxhës. Me këtë rast shpreh shpresën se një nga aktet e tij të para si ministër do të jetë revokimi i Ligjit për Shërbimin e Jashtëm, votuar së fundmi në Parlament, si një ligj që godet rëndë integritetin e trupës diplomatike të Republikës së Shqipërisë”, thekson Mustafaj.

Ky është një nga rastet e rralla në Shqipëri, që ndodh ky fenomen ku një ministër i një partie të urojë kundërshtarin për marrjen e detyrës.

Kujtojmë se në mbledhjen e Grupit Parlamentar të PS-së, kryeministri Edi Rama bëri ndryshime të furishme në qeveri. Ashtu siç CNA e kishte paralajmëruar në 14 shkurt përmes disa shkrimeve, ndryshime u bënë në disa ministri të rëndësishme.

Rama vendosi të largojë Belinda Ballukun nga të dyja postet që mbante si numri dy i qeverisë dhe si ministre e Infrastrukturës dhe Energjisë.

Në vendin e saj si ministre e Infrastrukturës dhe Energjisë emëroi Enea Karakaçin, ndërsa si zëvendëskryeministre emëroi Albana Koçiun.

Detyrën e Koçiut si ministre të Brendshme ia ka besuar Besfort Lamallarit. Ndërsa Ministrinë e Drejtësisë ia ka besuar Tonin Gogut.

Besfort Lamallari emërohet Ministër i Brendshëm, duke zëvendësuar Albana Koçiun.

Një surprizë mbetet edhe shkarkimi i Spiropalit si ministre e Jashtme, detyrë të cilën ia ka besuar Ferit Hoxhës. Spiropali shërbeu vetëm pak muaj si ministre duke mbetur thjesht si deputete e PS-së.

Ermal Nufi merr detyrën e ministrit të Mbrojtjes, duke zëvendësuar Pirro Vengun. Eriona Ismaili emërohet ministre për Marrëdhëniet me Parlamentin, duke zëvendësuar Toni Gogun./ CNA





Lajmet e fundit nga