web counter
LEXO PA REKLAMA!

SHKARKO APP

App Store
Google Play

E fundit!

x

"Rama, i detyruar t’i bënte lëvizjet"/ Lala komenton ndryshimet në qeveri: Ja kujt i bie barra më e madhe

26 Shkurt 2026, 21:25, Aktualitet CNA

"Rama, i detyruar t’i bënte lëvizjet"/ Lala komenton

Gazetarja Klodiana Lala ka komentuar lëvizjet e fundit në qeveri. Në emisionin “Të Paekspozuarit”, Lala u shpreh se kryeministri ishte i detyruar t’i bentë këto lëvizje për shkak të rastit “Balluku” dhe disa çështjeve të tjera.

Ndër të tjera, gazetarja shprehet se barra më e madhe e këtyre lëvizjeve i bie Besfort Lamallarit, ministrit të ri të Brendshëm, për të cilin tha se “do të gjendet para një policie të lidhur me krimin dhe të korruptuar”.

"Së pari mendoj se zoti Rama ishte i detyruar ti bënte këto lëvizje, për shkak se e kishte lakun në fyt, rasti Balluku, AKSHI dhe hetimi i disa deputeve. Kështuqë nga këto rrethana, zoti Rama ishte i detyruar për ndryshime në qeveri. Rama i është nënshtruar Ballukut, Spiropali ishte kurban i saj. Spiropali ndodhej në Kosovë, e ka shkarkuar pa e pritur të kthehet. Kanë patur rivalitet të fortë me njëra tjetrën, për shkak të një pushteti që kanë dashur të mbajën brenda PS.

Balluku është larguar por ka lënë të besuarit pas. Enea Karakaçi ka qenë administrator i OSHEE.  E lidh me një kontroll që SPAK ka kryer në zyrën e tij, në kaudër të një hetimi për tenderat. Në rrethet e ngushta pranë OSHEE, ai konsiderohet ndër njerëzit më të besuar të Belinda Ballukut. Ermal Nufi, një personazh që nuk thotë shumë por vijon të jetë ndër të besuarit e Ballukut. Pak ditë më parë ishte në Prokurorinë e Tiranës, për një hetim për korporatën e investimeve. Albana Koçiu kishte dështim në krye të Ministrisë së Brendshme, nuk la asnjë rekord. Merr post honorifik, si zv.kryeministre. 

Rikthehet në shtëpinë e vet, Besfort Lamallari. Mendoj se në të gjithë ndryshimet barra më e madhe i bie atij, pasi do të gjendet para një policie të lidhur me krimin dhe të korruptuar. Duhet të menaxhojë të gjithë situatën e segmenteve problematike të policisë. Sa i përket ndryshimeve, për zotin Ferid Hoxha, e njoh si diplomat karriere. Di që vëllai i zotit Hoxha është një prej personave të dyshuar që lidhet me skandalin e AKSHI. Për zotin Toni Gogu, mund të them se njihet si pjesë e klanit Veliaj, ndoshta zoti Rama po zbut edhe këtë me Veliajn. Për zonjën tjetër, Erjona Ismaili, pashë në një podcast, mënyra si ishte qasur ishte qesharake”, u shpreh Lala. /CNA





Lajmet e fundit nga