web counter
LEXO PA REKLAMA!

SHKARKO APP

App Store
Google Play

Kush është ministri i ri i Mbrojtjes që i “rrëmbeu” postin Pirro Vengut

26 Shkurt 2026, 20:57, Aktualitet CNA

Kush është ministri i ri i Mbrojtjes që i

Kryeministri Edi Rama ka emëruar ministrin e ri të Mbrojtjes. Postin që mbante Pirro Vengu tashmë do të jetë në duart e Ermal Nufit.

Kush është Ermal Nufi?

Ermal Nufi ka mbajtur pozicionin e Zëvendës Sekretarit të Përgjithshëm të Kryeministrisë. Ai ka përfunduar studimet e nivelit “Master në drejtësi pranë Fakultetit të Drejtësisë, të Universitetit të Tiranës, në vitin 2010.

Pas diplomimit, z. Nufi ka punuar si konsulent ligjor në sektorin privat dhe atë të organizatave jofitimprurëse, vendase dhe ndërkombëtare. Gjithashtu, z. Nufi ka mbajtur edhe pozicionin e pedagogut të jashtëm në të drejtën civile dhe tregtare pranë Institutit të Studimeve Strategjike dhe Trajnimeve.

Që prej vitit 2013, është licencuar si avokat nga Dhoma Kombëtare e Avokatisë, ku ka shërbyer edhe si anëtar i Këshillit Drejtues të Dhomës së Avokatëve të Tiranës. Nga viti 2021 z. Nufi ka mbajtur pozicionin e këshilltarit ligjor të ministrit të Infrastrukturës dhe Energjisë, si dhe ka shërbyer në pozicione të ndryshme brenda administratës publike shqiptare.

Me vendim të Këshillit të Ministrave, ai është emëruar kryetar i Bordit Menaxhues të Autoritetit Rrugor Shqiptar, anëtar i Këshillit Drejtues të Agjencisë Shtetërore të Kadastrës, si dhe ex-officio kryeson Bordin e Agjencisë Shtetërore të Informacionit Gjeo hapësinor.

 





Lajmet e fundit nga