web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat e Ramës/ Kikia: Refren i përsëritur, përpjekje të qeverisë për t’u viktimizuar

26 Shkurt 2026, 19:35, Aktualitet CNA

Deklaratat e Ramës/ Kikia: Refren i përsëritur, përpjekje

Gazetari Mentor Kikia ka komentuar deklaratat e bëra nga kryeministri Edi Rama në mbledhjen e sotme të Grupit Parlamentar të Partisë Socialiste. I ftuar në Euronews, Kikia i cilësoi deklaratat e Ramës kundrejt drejtësisë si një refren të përsëritur në dy muajt e fundit.

“Ishte një refren i përsëritur të paktën në dy muajt e fundit disa herë. Nga njëra anë ekspozohet si rojtar i reformës në drejtësi, dhe nga ana tjetër flet për shkopinj nën rrota, revansh prokurorësh. Rama po përpiqet ta ambalazhojë si një nevojë për të ndërhyrë e përmirësuar ca gjëra, por dhe do ta ambalazhojë si ndërhyrje pa prekur pavarësine e këtij institucioni”, tha Kikia.

Ndër të tjera, gazetari tha se retorikën e kreut të qeverisë ndaj drejtësisë e sheh edhe si përpjekje të qeverisë dhe kryeministrit për t'u viktimizuar.

“Retorika e ashpër ndaj Prokurorisë, shkon në një sens pakuptueshmërie se përse duhej. Sa i takon çështjes "Balluku", nuk kishte nevojë të bëhej gjithë kjo gurgule. E gjithë kjo histeri duket se del përtej çështjes Balluku. E pashë si përpjekje për tu viktimizuar qeveria në përgjithësi. E gjithë kjo mua më duket një marrëdhënie publike perfektet për të krijuar tek publiku perceptimin që ca forca jashtë vullnetit politik të qeverisë duan të krijojnë pengesa për të ecur përpara. Përpjekje për tu shitur mazhoranca si e viktimizuar në gjithë këtë histori. Ka një tentativë për të fituar admirimin e publikut përmes këtij dimensioni”, u shpreh gazetari. /CNA

 

 





Lajmet e fundit nga