web counter
LEXO PA REKLAMA!

SHKARKO APP

App Store
Google Play

Kryemadhi pas daljes nga GJKKO: Kërkuam thirrjen e Ramës si dëshmitar

26 Shkurt 2026, 16:30, Aktualitet CNA

Kryemadhi pas daljes nga GJKKO: Kërkuam thirrjen e Ramës si

Ish-deputetja Monika Kryemadhi ka folur për mediat pas daljes nga Gjykata e Posaçme. Kryemadhi u shpreh se mbrojtja e saj në seancën e sotme ishte rreth 90 faqe, ku përmblidhej gjithë sqarimi i të gjithë akuzës.

Ajo tha se në seancë ka kundërshtuar ekspertizën financiare të bërë nga SPAK, pasi sipas saj ekspertja është në konflikt interesi. Më tej bëri me dije se ka kërkuar që të thirret si dëshmitar edhe kryeministri Edi Rama.

“Mbrotja ime ishte prej 90 faqesh, ku përmblidhte të gjitha sqarimin shterues të të gjithë akuzës. Në 240 faqe akuzë, 35 janë CEZ-DIA për Ilir Metën, gjithë pjesa tjetër është tek unë. Qoftë për ligjin e minierave, qoftë edhe për mosdeklarim të pasurisë, pastrim të veprës penale apo edhe për lobimin. I paraqitëm prokurorëve anën kontraditkorë që GSIS ka bërë me statementin e bankës në bazë të pagesave që janë bërë. Kërkova edhe meqënëse Adrian Shatku, përmendet 327 herë në dosje për veprën e korrupsionit për mua, kërkova që prokuroria ta marrë në pyetje. Mbrojtja ime ishte më e gjatë sesa e zotit Meta, sepse ai nuk ka asnjë mesazh dhe asnjë firmë. Edhe për ligjin e minierave, është Edi Rama propozuesi. Kërkuam që Rama të jetë dëshmitar. Pra UNIFI që akuzojnë mua se kam bërë korrupsion me këtë, ka punuar me Edi Ramën, Berishën, Genc Pollon. Ata kërkuan kohë që të shikojnë, iu dorëzova një kopje të fjalës time, ndërkohë kundërshtova dhe ekspertizën e SPAK, sepse ekspertja është marrë në mënyrë të paligjshme. Dy muaj para se të bënte ekspertizën time financiare, është emëruar nga prokurori Altin Dumani si eksperte. Pra konflikt interesi se paguhet nga SPAK-u. Sipas kësaj ekspertizës së SPAK ka absurditete. Të gjithë fashikujt tonë shkojnë rreth 148 mijë faqe. Për çështjen e shtëpisë kapasur hetim administrativ për sa i përket hetimit të pastrimit të parave jo vetëm për mua por edhe për mamanë time. Në listën e provave, janë gati 30 prova përgjime ambientale, edhe ekspertimi i telefonit tim. Do shohin mesazhet e mia me Edi Ramën në 2014 dhe të gjithë të tjerët”, u shpreh Kryemadhi ndër të tjera. /CNA





Lajmet e fundit nga