web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat e Ramës/ Këlliçi: Llafe pa fund për të mbrojtur korrupsionin

26 Shkurt 2026, 15:50, Aktualitet CNA

Deklaratat e Ramës/ Këlliçi: Llafe pa fund për të

Deputeti i Partisë Demokratike, Belind Këlliçi ka reaguar sot lidhur me deklaratat e kryeministrit Edi Rama në mbledhjen e Grupit Parlamentar të Partisë Socialiste.

Në një postim në rrjetet sociale, Këlliçi shprehet se fjalët e Ramës ishin për të mbrojtur korrupsionin.

Ndër të tjëra, deputeti thotë se pas sulmeve ndaj drejtësisë, mediave dhe opozitës, kreu i qeverisë “sfidoi Brukselin dhe Uashingtonin”. Në fund të postimit, Këlliçi ka bërë thirrje për pjesëmarrje në protestën e 28 shkurtit.

Postimi i plotë:

Llafe pa fund për të mbrojtur korrupsionin!

Ky vend ka duruar shumë këto 13 vite, po nuk ja ka për borxh Edi Ramës të bëjë dhe viktimën. Për gati 2 orë Kryeministri më i korruptuar në Europë zbuloi armiq po aq sa Kim Jong Un në Pyongyang, që po flet në kongresin e partisë së tij.

Ai që fluturon me helikopter kur njerëzit janë bllokuar nga rënia e rrugëve, ai që ka avion privat, që pi verë 33 mijë euro shishja, kërkoi sot mbështetje pasi po sulmohet nga portalet dhe drejtësia.

Dhe shmangu pikërisht atë që duhej të bente, të dorëzonte imunitetin e bashkëpunëtores më të ngushtë, bashkëautoren në aferat më korruptive që ka parë vendi.

Ai nuk paska një qëndrim, por po pret Ulsiun me raportin e tij latinisht…

Për të ardhur keq që 83 “kartonat” thjeshtë tundin kokën e duartrokasin mbrojtjen e hajdutërisë.

Pas sulmeve skandaloze ndaj prokurorëve, mediave dhe Opozitës, Edi Rama sot sfidoi Brukselin dhe Uashingtonin që kërkojnë të mos pengohet drejtësia e të luftohet korrupsioni pa kompromis.

Por, në të njëjtën kohë që ai nxirrte jashtë krizën e rëndë ku ndodhet me një fjalim të konsumuar, anglishfolësit e PE ja bënë të qartë në seancën për Shqipërinë: Të hiqet imuniteti, të hetohet korrupsioni!

Të shtunë, datë 28, ora 18:00, shihemi sërish në protestë. /CNA





Lajmet e fundit nga