web counter
LEXO PA REKLAMA!

SHKARKO APP

E fundit!

x

Kush iku e kush erdhi në qeverinë Rama/ Shkëmbime dhe surpriza

26 Shkurt 2026, 20:38, Aktualitet CNA

Kush iku e kush erdhi në qeverinë Rama/ Shkëmbime dhe surpriza

Pas mbledhjes, kryeministri Edi Rama bëri ndryshime të furishme në qeveri. Ashtu siç CNA e kishte paralajmëruar në 14 shkurt përmes disa shkrimeve, ndryshime u bënë në disa ministri të rëndësishme.

Rama vendosi të largojë Belinda Ballukun nga të dyja postet që mbante si numri dy i qeverisë dhe si ministre e Infrastrukturës dhe Energjisë.

Në vendin e saj si Ministre e Infrastrukturës dhe Energjisë emëroi Enea Karakaçin, ndërsa si zëvëndëskryeministre emëroi Albana Koçiun.

Detyrën e Koçiut si Ministre e Brendshme ia ka besuar Besfort Lamallarit. Ndërsa Ministrinë e Drejtësisë ia ka besuar Tonin Gogut.

Besfort Lamallari emërohet Ministër i Brendshëm, duke zëvendësuar Albana Koçiun.

Një surprizë mbetet edhe shkarkimi i Spiropalit si ministre e Jashtme, detyrë të cilën ia ka besuar Ferit Hoxhës. Spiropali shërbeu vetëm pak muaj si ministre duke mbetur thjesht si deputete e PS.

Ermal Nufi merr detyrën e Ministrit të Mbrojtjes, duke zëvendësuar Pirro Vengun. Eriona Ismaili emërohet Ministre për Marrëdhëniet me Parlamentin, duke zëvendësuar Toni Gogun.

Këto janë ndryshimet e paralajmëruara nga CNA të kryeministrit Edi Rama, i cili ka rifreskuar kabinetin qeveritar, disa i ka lënë me gisht në gojë dhe disa të tjerë thjesht i ka shkëmbyer./ CNA





Lajmet e fundit nga