web counter
LEXO PA REKLAMA!

SHKARKO APP

Lëvizjet e qeverisë/ Shehaj: De fakto nuk ka ndryshuar asgjë

26 Shkurt 2026, 21:58, Aktualitet CNA

Lëvizjet e qeverisë/ Shehaj: De fakto nuk ka ndryshuar asgjë

Kreu i Partisë Mundësia, Agron Shehaj ka reaguar lidhur me lëvizjet e fundit në kabinetin qeveritar. 

Në një video të postuar në rrjetet sociale, Shehaj shprehet se lëvizjet e bëra nga kryeministri Edi Rama nuk ndryshojnë asgjë. 

Ai ka komentuar edhe tre ministrat e rinj që janë bërë pjesë e qeverisë.

“Më në fund Edi Rama dorëzohet dhe lëshon Belinda Ballukun. E heq atë nga qeveria. Pavarësisht se në fakt Belinda Balluku nuk ishte më në qeveri sepse ishte pezulluar. Por ajo që është më e rëndësishme është që në fakt Belinda Balluku nuk largohet totalisht nga qeveria sepse në qeveri ka futur zarat e saj. Një prej tyre është Enea Karakaçi i cili emërohet ministër i Infrastrukturës, por para se të bëhej ministër ai ishte një nga drejtorët e Ballukut, ishte drejtor i OSHEE-së. Por ajo që është më e rëndësishme është që ai është në hetim nga SPAK-u, dhe pavarësisht kësaj vendoset në krye të Ministrisë së Infrastrukturës.

Një zar tjetër i Belinda Ballukut është Ermal Nufi, i cili ishte drejtor i kabinetit të Ballukut dhe Edi Rama e bëri ministër të Mbrojtjes. De fakto nuk ka ndryshuar asgjë. Kanë hequr Belinda Ballukun, por kanë vendosur zarat e saj në qeveri. Praktikisht Belinda Balluku vazhdon të qëndrojë në pushtet”, shprehet Shehaj. /CNA





Lajmet e fundit nga