web counter
LEXO PA REKLAMA!

SHKARKO APP

App Store
Google Play

E fundit!

x

“Milionat për pastrimin nga ujërat e zeza i mori lumi”/ Këlliçi: Katastrofa me Lanën tregon të vërtetën e Tiranës

27 Shkurt 2026, 09:32, Aktualitet CNA

“Milionat për pastrimin nga ujërat e zeza i mori lumi”/

Deputeti i Partisë Demokratike, Belind Këlliçi, ka deklaruar se katastrofa mjedisore dhe korruptive me Lanën tregon të vërtetën e Tiranës, që ka një kryebashkiak me 13 akuza dhe një kryeministër që e përdor si lavatriçe të pastrimit të parave me kullat.

Në një deklaratë të fortë, Këlliçi tha se Tirana ka humbur kontrollin mbi pastrimin e lumit të Lanës, që, sipas tij, është kthyer në kolektor të ujërave të zeza.

Ai theksoi se punimet e nisura me kredi japoneze gjatë qeverisjes së PD-së u ndërprenë njëanshëm në 2018, duke rritur kostot e taksapaguesve për mirëmbajtje dhe arbitrazh me mbi 20 milionë euro.

“Kjo katastrofë mjedisore dhe korruptive me Lanën tregon të vërtetën e Tiranës. Një qytet që e ka kryebashkiakun në burg me 13 akuza dhe me një Kryeministër që e përdor nga ana e tij si lavatriçe të pastrimit të parave me kullat e betonit.

Rama thotë se ne ia kemi kaluar edhe Europës me arkitekturën që prodhohet këtu, por pas fasadave fshihet realiteti i lumit që është kolektor i ujërave të zeza, në mes të qytetit.

Punimet me kredinë japoneze nisën në kohën e qeverisjes së PD-së, por u ndërprenë në mënyrë të njëanshme në 2018, pasi qeveria donte të fuste në biznes klientin e saj. Kostove iu shtuan të paktën 20 milionë euro të taksapaguesve shqiptarë për arbitrazhin dhe mirëmbajtjen, duke qënë se ka 8 vite që nuk punohet më.

Në Lanë e kanë vendin në fakt këta hajdutë që e kanë kthyer Tiranën në qytetin më të ndotur në kontinent.

Bashkohemi nesër, e shtunë, datë 28, ora 18:00, për ta çliruar vendin nga kjo bandë hajdutësh e antishqiptarësh!”, shkruan Këlliçi./ CNA





Lajmet e fundit nga