“Ishte lakuriq, e shihnin 10 burra”/ Babai i vajzës ngre dyshimet e forta: Të dashurin ia futi vjehrri në shtrat

1 Qershor 2022, 13:14, Aktualitet CNA

“Ishte lakuriq, e shihnin 10 burra”/ Babai i vajzës ngre

Babai i 20-vjeçares

Kur kemi dëgjuar rrëfimin e 20-vjeçares nga Librazhdi dhe vjehrrës së saj për ngjarjen e ndodhur disa ditë më parë, ku e reja u filmua duke kryer tradhti bashkëshortore, këtë të mërkurë, ka treguar detaje mbi ngjarjen edhe babai i vajzës.

Ai ka thënë për emisionin “Me Zemër të Hapur” në "News24" se djalin nuk e kishte parë më parë, ndërsa dyshon se të dashurin vajzës së tij ia kishte futur vjehrri në shtrat.

“Unë s’e njihja (Flet për djalin që dyshohet se shoqërohej vajza). Punoja me shkëputje te fasoneria në Togëz. Unë se kisha parë kurrë që ata të shoqëroheshin. Vajza sillej mirë me mua. S’kisha parë që vajza të kishte komunikim me të. Ishte hera e parë që e shihja atë fytyrë. Unë e pashë te lokali, mbeti për pak minuta biseduan me zë të ulët me ish-krushkun tim. Vjen ish-vjehrra e gocës dhe thotë që e gjeti Flamuri njeriun që deshi. Unë se kisha parë herë të tjera. Atë natë erdhën xhaxhallarët e krushkut më morën këtu.

Vajza më tha që shko te mami te babi bëj një punë atje. Ok, i thashë shko atje dhe hajde. Vajza ishte e fejuar, me celebrim. Po prisnim të bëhej ceremonia martesore. Ekonominë e kemi të dobët dhe kishim rënë dakord që vajza të jepte paratë e rrogës te ne. Vajza kur vinte burri qëndronte atje. Ai më shumë rrinte në emigrim dhe shumë pak këtu. Ai ishte i sjellshëm si djalë. Marrëdhënia e tyre ishte e mirë, se çfarë kanë në zemër. Unë e kam parë tmerr vajzën. Pyeta se çfarë ka ndodhur me vajzën. Më erdhi një makinë pa na njoftuar.

Vajzën e kam gjetur të mbështjellë nga brezi e poshtë me peshqir të vogël, e kam gjetur lakuriq. Ishin tri gra dhe ishin burra ata që shihnin vajzën, e shantazhonin, xhaxhallarët e krushkut, kunati i vajzës dhe komshinj”, tha babai i vajzës.

Pjesë nga intervista:

Çfarë ndodhi?

Unë kam punuar atje në Togëz, vajza kishte punuar gjithmonë. Të hënën ndodhi ngjarja. Dy ditë më parë hyra në lokalin e ish-krushkut. Aty vjen një person, ulet në një tavolinv tjetër. Vjen krushku im dhe e merr paketën e të shoqit nga tavolina jonë. E dëgjova: e gjeti Flamuri njërin që deshi. Më tha mua. E kam parë atë djalë aty. Në 11 e gjysmë të natës më marrin në telefon. Shoh një makinë te porta.

Djali që u gjet atë natë në dhomë me vajzën tuaj e njihnit? Punonte me ju?
Jo, se njihja, se punoja me shkëputje.

E kishit parë vajzën?

Jo, se kisha parë me vajzën.

Xhaxhallarët e krushkut, kunati i vajzës, komshinj janë ata. I gjithë pallati ishte mbledhur aty. Të dashurin e vajzës e mbajnë në mbrojtje. Vajza sot ka shenja dhune, po ta shohësh”, tha ai.

E mbështesni, vajza ka thënë se ndoshta më ka dhënë një medikament?

Babai i 20-vjeçares: E mbështes se vajza nuk ma bënte këtë. Unë kur futem në dhomën time me fjet e mbyll derën me çelës, por kur shkova çelësi nuk ishte nga brenda, por nga jashtë.

Motra e dhëndrit thotë se djali nuk është futur nga familjarët për t'u bërë protagonist, çfarë mund të thoni?

Unë flas atë që kam parë, çfarë kërkonte çelësi nga jashtë? Djali ishte i qetë, e mbronin që të mos e qëlloja unë nga nervat.

E dinte djali, e pyete, që ishte e martuar?

Ai nuk më kthente përgjigje fare. Ajo që unë kam parë ka qenë e mirëorganizuar e inskenuar mirë. Nuk e di ndoshta vajza ime ka gabuar më parë, por ajo atë natë ishte e inskenuar mirë.

Po ashtu ai tha se e ka gjetur vajzën lakuriq dhe në dhomën ku ndodhej shihej nga 10 burra. Babai i vajzës shton më tej se gjendja e të resë ishte e tmerrshme dhe s’mund të përshkruhej me fjalë.