web counter
LEXO PA REKLAMA!

SHKARKO APP

App Store
Google Play

E fundit!

x

Dyshohet se kanë mbetje toksike/ Zbulohet itinerari i dy anijeve të nisura nga Shqipëria

13 Gusht 2024, 20:25, Aktualitet CNA
Dyshohet se kanë mbetje toksike/ Zbulohet itinerari i dy anijeve të
Foto ilustruese

Agjencia e lajmeve ndërkombëtare “Bloomberg” ka zbuluar itinerarin e dy anijeve të nisura nga Porti i Durrësit, të cilat dyshohet se përmbanin 800 ton mbetje toksike.

Fillimisht kontejnerët u ngarkuan në anijen e madhe “Contship Vow” më 4 korrik, në Portin e Durrësit të Shqipërisë.

Kjo anije zbarkoi në Trieste të Italisë dhe ngarkesa u imbarkua në dy anijet tjera, të quajtura “Campton” dhe “Candor”, të kompanisë “Maersk”.

Këto të dhëna zbulohen në faqen e internetit të kompanisë “MSC Mediterranean Shipping Company SA”, që ndjek kontejnerët.

Sipas “Bloomberg”, anija “Campton” ka 40 kontejnerë, ndërsa ajo “Candor” 60 kontejnerë.

Më pas, dy anijet janë nisur nga Italia dhe kanë pasur si destinacion të fundit Tajlandën.

Në momentin që anija “Campton” po i afrohej “Cape Town” të Afrikës së Jugut, autoritetet tajlandeze lëshuan një alarm për ngarkesën e dyshimtë.

Fill pas këtij alarmi, më 31 korrik, “Campton” fiku GPS-in.

Kompania “Maersk” tha se anija nuk ishte planifikuar të ndalonte në Afrikën e Jugut, por sa i përket GPS-it, deklaroi se nuk është e pazakontë që anijet të çaktivizojnë transmetuesin e vendndodhjes së tyre për shkak të shqetësimeve të sigurisë.

Sipas “Maersk”, anija është aktualisht në Oqeanin Indian dhe po shkon drejt Singaporit.

“Campton” pritet të ndalojë në Singapor më 14 gusht, ndërsa në portin Laem Chabang të Tajlandës më 20 gusht.

Nga ana tjetër, anija “Candor” pritet të shkojë në Singapor më 22 gusht, por ende nuk ka një datë për mbërritjen në destinacionin përfundimtar./ CNA





Lajmet e fundit nga