E fundit!

13:51 Aktualitet

Protestuesit te selitë e partive/ Vrenozi: Veprim antishqiptar, PD dhe PS nuk u prekën as në '97

Demokrati i famshëm, Ilir Vrenozi ka bërë një reagim në li...

Dita e Flamurit/ Peleshi: Jemi në një epokë krenarie, drejt rrugës për në BE

28 Nëntor 2024, 11:57, Aktualitet CNA

Dita e Flamurit/ Peleshi: Jemi në një epokë krenarie, drejt

Në 112-vjetorin e Pavarësisë së Shqipërisë, në ceremoninë e mbajtur pranë pedonales së qytetit, kanë marrë pjesë figura të politikës të cilët në shenjë nderimi e respekti kanë vendosur kurora me lule pranë monumentit të "Luftëtarit Kombëtar".

Kryetari i grupit parlamentar të Partisë Socialiste, Niko Peleshi, ka folur ekskluzivisht për Cna Tv në këtë ditë të shënuar duke theksuar se nëntori është muaji i festave.

Peleshi thotë se këto 112 vite të historisë të Shqipërisë janë të mbushura me shumë ngjarje e sfida, ku Korça zë një vend të veçantë me figurat historike që kanë kontribuar për vendin tonë.

"Jemi në nëntorin e festave, madje është shtuar e një festë tjetër, 22 Nëntori dita e alfabetit, por sot jemi në 28 Nëntor pas një ceremonie që është bërë zakon në Korçë e gjithë Shqipërinë në ditën e Flamurit, ditën e Pavarësisë.

112 vjet nuk është pak për një shtet. Gjithmonë festat janë edhe përkujtime dhe meditim për historinë dhe natyrisht gjithësecili individualisht apo institucionalisht mendon për të ardhmen. 112 vite të historisë të Shqipërisë janë të mbushura me shumë ngjarje, me shumë sfida, me shumë figura historike që kanë kontribuar. Korça zë një vend të veçantë, qysh në ditën e parë, madje para Pavarësisë, me Mësonjëtoren e Parë Shqipe, dhe me gjithë kontributin që rilindasit tanë kanë dhënë që solli pavarësinë”, tha Peleshi.

Peleshi rikujton se në Ditën e Pavarësisë kanë qenë firmëtarë të cilët kanë patur rol të rëndësishëm, ndërsa sot mendohet e ardhmja e Shqipërisë si pjesë e BE.

“Në ditën e Pavarësisë ne kemi patur 6 firmëtarë, pra kemi një rol të rëndësishëm në historinë e pavarësisë së Shqipërisë dhe duam të kemi rolin tonë edhe në të ardhmen e Shqipërisë”, u shpreh Peleshi.

Përmes Cna Tv, Peleshi thekson se jemi në një epokë krenarie pasi Shqipëria u pozicionua në anën e duhur të historisë duke patur tashmë të drejtën për të kërkuar anëtarësimin në familjen e madhe europiane. Ndër të tjera, Peleshi uron të gjithë shqiptarët për këtë ditë të shënuar.

“Në prag të momentit historik të anëtarësimit në BE, pas pak vitesh në 2030 ne synojmë të jemi gati për anëtarësim, ky do të ishte momenti i dytë pas pavarësisë dhe çlirimit të vendit natyrisht, momenti më i rëndësishëm historik për Shqipërinë.

Përmes medias tuaj prestigjoze, dua të uroj si paradhënie edhe për 80 vjetorin e Çlirimit, lufta e dytë botërore, lufta çlirimtare, gjithashtu është një epokë krenarie për Shqipërinë sepse Shqipëria edhe këtë herë u pozicionua në anën e duhur të historisë, gjë që na jep ne sot kredon dhe të drejtën historike për të kërkuar vendin tonë në familjen europiane, gjithmonë me vështrimin nga anëtarësimi në BE.

Gëzuar për të gjithë korçarët. Gëzuar për të gjithë shqiptarët!", ka deklaruar Peleshi.

Ceremonia e nderimit të flamurit u mbajt mëngjesin e kësaj të enjte në pedonalen e qytetit të Korçës, ku performoi "Banda e Qytetit" ndërsa u vendosën kurora me lule në nderim të kësaj dite të shënuar./ CNA