E fundit!

08:12 Politikë

“I shari shan, i mençuri mendon”/ Rama ndan mesazhin e qytetarit

Kryeministri Edi Rama ka ndarë në rrjetet sociale postimin...

Bashkia e Tiranës godet bizneset/ U bllokon llogaritë bankare për taksën e pronës

27 Nëntor 2024, 08:57, Aktualitet CNA

Bashkia e Tiranës godet bizneset/ U bllokon llogaritë bankare për

Bashkia e Tiranës ka goditur bizneset duke u bllokuar llogaritë bankare pasi janë ngarkuar me gjobë dhe kamatëvonesa për mosshlyerjen e detyrimit shtesë të taksës së ndërtesës për vitin 2023.

Sipas "Monitor", Bashkia e Tiranës nuk ka njoftuar bizneset për bllokimin e llogarive, por njoftimin e kanë marrë nga banka.

Kjo ka sjellë zemërimin e biznesmenëve të cilët kanë ngritur shqetësimin se nuk kanë marrë njoftim nga drejtoria e tatim-taksave të Bashkisë së Tiranës për afatet e likuidimit të diferencës së detyrimit të taksës së ndërtesës për vitin 2023. Përfaqësuesit e subjekteve janë gjendur të befasuar nga masat, që me penalitete me gjobë, kamatëvonesa dhe deri te mbyllja e llogarive për mosshlyerje detyrimi.

"Monitor" shkruan se Përfaqësuesit e subjekteve të acaruar nuk po arrinin të kuptonin se pse u kishin bllokuar llogaritë dhe pse duhet ta marrin njoftimin nga banka dhe jo nga bashkia. Ata pohojnë se i kishin mbyllur detyrimet e bashkisë për vitin 2023 dhe nuk ishin informuar nga bashkia për detyrimin shtesë, as në prill dhe as në qershor 2024, kur kishin paguar detyrimet e këtij viti.

“Zonja e bashkisë na tha nuk jua iniciuam detyrimin shtesë me fillimin e vitit 2024 që të mos ju vinte si e papritur dhe t’ju binte rëndë. Kjo është shumë ironike, sepse më mirë të na e kishin futur detyrimin shtesë të vitit 2023 me taksat e 2024, sepse do njoftohesha dhe do e paguaja, sesa të marr sot njoftimin nga banka se më kanë bllokuar llogarinë. E di shumë mirë që nuk kam pasur detyrime, sepse në korrik 2024 kam marr një vërtetim që nuk ka detyrime nga bashkia sepse më duhej për efekt kredie.

Nuk është problemi te detyrimi se ai është 17 mijë lekë, sesa për mënyrën si u veprua dhe faktin që u njoftova direkt nga banka. Tashmë me duhet të çoj vërtetimin në bankë dhe zhbllokimi zgjat tri ditë, d.m.th. llogaria më zhbllokohet muajin tjetër, pasi e enjtja dhe e premtja janë pushim zyrtar, ndërkohë që duhet të paguaj pagat e punonjësve”, thotë J.S, administratore dhe pronare e një subjekti tregtar./ CNA