web counter
LEXO PA REKLAMA!

SHKARKO APP

App Store
Google Play

E fundit!

x

Deputeti i PD kundër Berishës dhe Metës: SPAK, i vetmi mjet shpëtimi për vendin, Dumani drejtues me integritet dhe i ndershëm!

3 Maj 2024, 20:16, Aktualitet CNA

Deputeti i PD kundër Berishës dhe Metës: SPAK, i vetmi mjet

Ndryshe nga ish-kryeministri Sali Berisha dhe kreu i PL-së, Ilir Meta që e sulmojnë SPAK dhe kreun e këtij institucioni Altin Dumanin, deputeti i PD-së Dashnor e vlerëson maksimalisht punën e tyre.

Në një intervistë për moderatoren Ola Bruko, Sula është shprehur se Dumani është një nga prokurorët më me integritet dhe të ndershëm.

“Në çdo takim të gjithë qytetarët e thjeshtë flasin për SPAK-un. Kanë besim qytetarët që do të shpëtojnë nga kjo e keqe e madhe që ka kapur Shqipërinë nga mazhoranca dhe politika në tërësi. Thonë do të jetë SPAK-u mjeti i shpëtimit. Është fatkeqësi, por është e vërtetë. Nuk pretendoj që të gjithë prokurorët e gjyqtarët e SPAK janë shumë të mirë.

Por po përmend katër persona, dy dibranë Altin Dumanin dhe Adnan Xholin si dhe dy shkodranë Behar Dibra e Elvin Goga të cilët janë të katër prokurorë me integritet dhe shumë të ndershëm“, tha deputeti.

Për deputetin këta prokurorë duhet të jenë në detyrë sit ë gjithë prokurorët e tjerë jo me afat kohor .

Ai thekson se rezultati deri më sot ka qenë pozitiv.

“Këta prokurorë duhet të jenë në detyrë si të gjithë prokurorët e tjerë, jo me afat kohor. Specifika e punës që ka Prokuroria e Posaçme dhe Gjykata është e një rëndësie jashtëzakonisht të veçantë. Nëse nuk kanë garancinë e përmbushjes së detyrave, pasi ikin nga kjo detyrë mund të kenë probleme. Këto duhet të jenë aty në respektim të ligjit dhe Kushtetutës. Deri më sot rezultati është pozitiv, pavarësisht pengesës që i bëhet”, tha deputeti.

Sula nënvizoi se me Dumanin në krye ka patur ndryshime thelbësore duke përmendur thirrjen e Veliajt në SPAK.

“Ne kemi 34 vite. Kanë kaluar mjaft politikanë. Pse nuk ka ecur politika aty ku duhet të shkojë, por mban erë të keqe? SPAK s’ka as 4 vitet aktivitet real. Me zotin Dumani në krye e këtej ka ndryshime thelbësore. Rasti i fundit i thirrjes dhe pyetjes së kryetarit të bashkisë 7-8 orë. Unë kam bindjen që ai do të jetë person në hetim, tjetër gjë se çfarë nxjerr hetimi, por indiciet janë mjaft të forta. Një qytetar sot më tha: “10% këta e marrin për tendera, por këta nuk lënë asgjë të lëvizë paraja, që ta marrë biznesi, firmat, por këta i duan të gjitha për vete”. Problematikat janë të mëdha. Veliaj nuk mund të dalë të shesë moral në televizione. Nuk kam asgjë personale me të. Paratë tona i marrin drejtorët e tij, pasurohen, bëjnë hotele me 5 yje dhe të thuash nuk di gjë. Ata dinë edhe orarin e drejtorit kur hyn në bashki, edhe të nëpunësit më të thjeshtë e dinë kur hyn”, tha Sula./ CNA





Lajmet e fundit nga