web counter
LEXO PA REKLAMA!

SHKARKO APP

App Store
Google Play

E fundit!

x

“5D gllabëroi 30 milionë euro”/ Thirrja e Telitit: Ngrihu dhe protesto

3 Maj 2024, 19:16, Aktualitet CNA
“5D gllabëroi 30 milionë euro”/ Thirrja e Telitit: Ngrihu
Dorian Teliti

Anëtari i Këshillit Bashkiak i PD-së, Dorian Teliti u ka bërë thirrje qytetarëve që të bashkohen në protestën e radhës që do të mbahet të martën në orën 11:00 

Teliti ka renditur disa nga arsyet pse qytetarët duhet të ngrihen të protestojnë duke veçuar faktin që 5D ka gllabëruar 30 milionë euro.

“Mos harro që ishte 5D që gllabëroi 30 milionë euro. Ngrihesh në mëngjes dhe nuk ke ujë në rubinetin tënd? Kujto 5D. Con fëmijët në cerdhe apo kopësht, por jeton në ato lagje të Tiranës që s'kanë asnjë cerdhe e kopësht publik? Kujto 5D.

Con fëmijët në shkollë publike me klasa të mbipopulluara? Kujto 5D. Do të nxjerrësh fëmijët të lozin në lulishte, po lulishte nuk ka? Kujto 5D. Ngren qepenin e dyqanit dhe të vjen dhimbja e kokës nga letra e tatimeve që të ka sjellë faturën e taksave të rritura? Kujto 5D.

Mbetesh në trafik i bllokuar për orë të tëra, ku nervat ngrihen dhe shigjeta e karburantit ulet? Kujto 5D. Paguan parkimin 1mijë lekë/ora dhe mendon se ato para do shkojnë për më shumë infrastrukturë e gjelbërim? Kujto 5D.

Përballesh me injorimin dhe braktisjen nga ana e bashkisë? Kujto 5D. Mos harro, ndaj cohu, ngrije zerin se nuk është faji i qytetarëve që dalin ca lepra bashkie që gllabërojnë me thasë taksat e Tiranës.

Ngrihu dhe protesto të martën ora 11.00. O sot o kurrë” shkruan Teliti./ CNA





Lajmet e fundit nga