web counter
LEXO PA REKLAMA!

SHKARKO APP

App Store
Google Play

Përplasja e Manjës me Agron Shehajn/ Muçollari: Akti i radhës i çmendinës qeveritare

3 Maj 2024, 16:41, Aktualitet CNA
Përplasja e Manjës me Agron Shehajn/ Muçollari: Akti i
Anëtari i Kryesisë së PD-së, Grigels Muçollari

Anëtari i Kryesisë së PD-së, Grigels Muçollari ka reaguar pas deklaratave të ministrit të Drejtësisë Ulsi Manja ndaj deputetit Agron Shehaj.

Sipas Muçollarit, gjuha e përdorur nga Manja është një kërcënim dhe është një akt i çmendinës qeveritare që drejton Rama.

Në një deklaratë për mediat, Muçollari tha se parlamenti është lhtyer në një fermë kafshësh ku lejohet gjuha barabare e ministrit që i thotë deputetit do të pres veshin.  

“Kërcënimi i deputetit të opozitës Agron Shehaj nga ministri i drejtësisë Ulsi Manja në Kuvendin e Shqipërisë është akti i radhës i çmendinës qeveritare që drejton Edi Rama.

Parlamenti i kthyer në ‘fermë kafshësh’ lejon gjuhën barbare të ministrit që i thotë deputetit ‘do të pres veshin’.

Është i njëjti parlament ku kryetarja ‘çonte në riedukim’ gjysmën e grupit parlamentar demokrat duke e përjashtuar nga Kuvendi.

Manja i dosjes së zezë të vjedhjes së zgjedhjeve, 184, i tha deputetit Shehaj se do t’i lëshonte qentë e pushtetit, pra do ti çonte kontrollet në bizneset private. Nuk është hera e parë që ndodh kjo kundër deputetit opozitar.

Ky është një cenim i drejtpërdrejtë, jo vetëm i ndarjes së pushteteve, por edhe i përdorimit të shtetit për të sulmuar kundërshtarin politik.

Gjuha e ministrit është e papranueshme, dhe habia e mosreagimit si nga kryetarja e Kuvendit, si nga kryeministri, ashtu dhe nga trupa diplomatike, nuk bën gjë tjetër veçse normalizon, jonormalen, joetiken dhe jomoralen.

Partia Demokratike e dënon ashpër sulmin, del në mbrojtje të deputetit të opozitës dhe e paralajmëron Ulsi Manjën se çdo tentativë ndaj Agron Shehajt apo ndaj biznesit të tij do të konsiderohet si sulm ndaj opozitës dhe si i tillë do ta ketë përgjigjen.

Ulsi Manjas duhet t’i vijë turp për gjuhën. Sa për guximin për të përdorur shtetin për qëllime politike kjo nuk është gjë e re dhe nuk habit askënd. Prej një dekade tashmë shteti është kthyer në instrument të pushtetit të qelbësirave, që u bënë bashkë në vitin 2013, dhe rrinë në kurrizin e Shqipërisë si hienat mbi luanin.

Ulsi Manja vetëm sa shtoi repertorin e tij si delinkuent, me gjuhën kundër Shehajt. Tashmë, veçse si vjedhës zgjedhjesh, ai regjistrohet edhe si cub Kuvendi.

Është barrë e madhe trupi, por i shkon profilit të tij dhe të qeverisë ku bën pjesë”, tha Muçollari./ CNA





Lajmet e fundit nga