web counter
LEXO PA REKLAMA!

SHKARKO APP

App Store
Google Play

E fundit!

x

Sulmet ndaj medias/ Ambasadat e huaja në Shqipëri: Të pajustifikueshme

3 Maj 2024, 19:36, Aktualitet CNA

Sulmet ndaj medias/ Ambasadat e huaja në Shqipëri: Të

Ambasadat e huaja perëndimore në Shqipëri mbështesin raportin dhe hetimin objektiv të gazetarëve në ditën botërore të lirisë së medias.

Në një deklaratë të përbashkët, ambasadat thonë se sulmet ndaj shtypit të lirë nuk mund të justifikohen kurrë.

Po ashtu u kanë bërë thirrje politikanëve, autoriteteve të zbatimit të ligjit, biznesit që të sigurojnë që gazetarët ta kryejnë lirisht misionin dhe detyrën e tyre.

"Ambasadorët dhe ambasadat në Shqipëri, anëtarë të Koalicionit Botëror të Lirisë së Medias, si edhe përfaqësuesit e Kombeve të Bashkuara, OSBE-së dhe Bashkimit Europian u takuan për të shënuar Ditën Botërore të Lirisë së Shtypit, për të ripohuar angazhimin tonë për lirinë e shtypit dhe lirinë e shprehjes.

Ne përsëritëm mbështetjen tonë për Shqipërinë që të vazhdojë të zhvillojë një mjedis mediatik, ku gazetarët profesionistë dhe etikë mund të hetojnë dhe raportojnë në mënyrë objektive, pa frikë dhe pa u intimiduar. Një media e pavarur është thelbësore për një demokraci funksionale. Ne theksuam rëndësinë e gazetarëve që raportojnë profesionalisht dhe ruajnë standardet e sjelljes, duke përfshirë shmangien e interesave personale, politike apo financiare.  Ne inkurajojmë mediat shqiptare të nxisin përfaqësime gjithëpërfshirëse dhe të shmangin diskriminimin dhe paragjykimin.  Ne përqafojmë rëndësinë e gazetarisë dhe lirinë e shprehjes në përballjen me krizën globale të mjedisit.

Ne diskutuam mbi shqetësimet për raportet e fundit të sulmeve dhe abuzimeve drejtuar gazetarëve, duke përfshirë diskriminimin me bazë gjinore, dhe ritheksuam angazhimin tonë për të folur hapur kur kjo ndodh. Sulmet ndaj gazetarëve apo ndaj shtypit të lirë nuk mund të justifikohen kurrë.

Ndërsa shënojmë Ditën Botërore të Lirisë së Shtypit, ne duartrokasim    trimërinë e gazetarëve në raportimin e së të vërtetës duke u mundësuar qytetarëve të marrin informacion të saktë. Ne u bëjmë thirrje politikanëve, autoriteteve të zbatimit të ligjit, biznesit të sigurojnë që gazetarët ta kryejnë lirisht këtë detyrë jetike", thuhet në deklaratë./ CNA





Lajmet e fundit nga