web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi- Kreu i Bashkisë së Vorës kërcënon njerëzit dhe bizneset në këmbim të votës

11 Maj 2023, 14:26, Aktualitet CNA
Denoncimi- Kreu i Bashkisë së Vorës kërcënon
Kandidatit i koalicionit “Bashkë Fitojmë” për Vorën, Indrit Hoxha

Kandidatit i koalicionit “Bashkë Fitojmë” për Vorën, Indrit Hoxha, në një deklaratë për mediat ka denoncuar qeverinë se po blen dhe frikëson votuesit.

Hoxha tha se kryebashkiaku në ikje i Vorës po shantazhon dhe kërcënon familjet e prekura nga tërmeti në këmbim të votës.

Ai shton se familjarët e kryebashkiakut të Vorës po sillen si banda kriminale, duke shantazhuar bizneset të cilat me mund e me djersë nxjerrin bukën e gojës.

“Pasi për katër vite në Vorë nuk bënë asgjë për të ndihmuar bizneset dhe po i cojnë ato në prag falimentimi, tani i kërcënojnë me mbyllje vetëm e vetëm për interesat e tyre politike”, thotë ndër të tjera Hoxha.

Deklarata e plotë e Indrit Hoxhës:

Edi Rama, Erion Veliaj dhe pushteti i Rilindjes, të trembur nga humbja në Vorë dhe në të gjithë Shqipërinë e Mesme, po përpiqen të blejnë dhe frikësojnë votuesit. Kryebashkiaku në ikje, person i cili përfaqëson bandat e Vorës, pasi përdori administratën e Bashkisë Vorë për kërcënim të qytetarëve, pasi po shantazhon dhe kërcënon familjet e prekura nga tërmeti në këmbim të votës, ka nxjerrë në rrugë familjarët e tij, të cilët po kërcënojnë bizneset në Bashkinë Vorë.

Ne kemi të dhëna dhe prova se familjarët e tij po sillen si banda kriminale, duke shantazhuar bizneset të cilat me mund e me djersë nxjerrin bukën e gojës. Pasi për katër vite në Vorë nuk bënë asgjë për të ndihmuar bizneset dhe po i cojnë ato në prag falimentimi, tani i kërcënojnë më mbyllje vetëm e vetëm për interesat e tyre politike.


I bëj thirrje kryebashkiakut, përfaqësuesit të krimit në Vorë, të ndalojë menjëherë këtë sjellje prej banditi dhe të tërheqë familjarët e tij nga këto veprime të cilat përbëjnë vepra penale dhe për të cilat i siguroj se do të mbajnë përgjegjësi ligjore.


Ne kemi të indentifikuar çdo person, çdo mjet dhe çdo targë makine të cilat janë marrë me qira vetëm për të kryer aktivitete kriminale në funksion të manipulimit dhe deformimit të vullneti politik të qytetarëve të Vorës.


I bëjë thirrje insitucioneve ndërkombëtare, OSBE-ODIHR, Ambasadës së Shteteve të Bashkura, dhe selive diplomatike në Shqipëri të monitorojnë nga afër zhvillimin e zgjedhjeve në Vorë. I bëjmë thirrje të shtojnë numrin e vëzhguesve në këtë bashki, pasi atje po kryhen krime elektorale nga persona me precedentë penal.


Paratë e korrupsionit, që e kanë e ka çuar atë bashki në falimentim, paratë e drogës dhe krimit janë duke u përdorur për të blerë vota, për të kërcënuar njerëz dhe për të manipuluar rezultatin elektoral.
Gjithashtu, i bëj thirrje drejtorit të përgjithshëm të policisë të vëshgojë dhe të marrë masa për të parandaluar aktivitetet kriminale që janë duke u kryer ditën per diell në Vorë. Ky është nje detyrim ligjor që policia e shtetit ka në raport më qytetarët e Vorës. Në të kundërtën, do të konsiderohen si bashkëpunëtorë në krim.


U bëj thirrje qytetarëve të Vorës, që në datën 14 maj të dalin të votojnë masivisht. Të dalin të votojnë për t'i dhënë fund krimit dhe korrupsionit në Vorë dhe për të filluar një qeverisje të re lokale, që ka në qendër qytetarët dhe jo interesat e krimit.


I siguroj se çdo votë e tyre do të mbrohet, çdo votë e tyre do të numërohet. Ne kemi marrë të gjitha masat për ta garantuar vullnetin e tyre. Vullneti i popullit të Vorës për ndryshim nuk do të pengohet nga asnjë kërcënim, nga asnjë shantazh dhe asnjë pushtet me paratë e korrupsionit.
Jam i bindur se në Vorë, me vullnetin e qytetarëve të saj ne do të korrim një fitore spektakolare./ CNA.al





Lajmet e fundit nga