Bardhi “mbërthen” Dumanin/ I kërkon llogari për inceneratorët

26 Maj 2023, 14:07, Aktualitet CNA

Bardhi “mbërthen” Dumanin/ I kërkon llogari për

Gazment Bardhi ka "mbërthyer" kreun e SPAK-ut, Altin Dumanin, në Komisionin e Ligjeve, ku u diskutua për punën e Prokurorisë së Posaçme për vitin 2022.

Bardhi e ka gozhduar duke thënë se SPAK-u deri më tani ka zero rezultate në lidhje me inceneratorin e Tiranës, ndërsa për dy inceneratorët e tjerë të Elbasanit dhe të Fierit ka pasur një hetim të pjesshëm.

Ai i është drejtuar duke pyetur Dumanin pse duhet një kohëzgjatje kaq e madhe për një çështje ku mund të bazohet te kontratat, procedurat e kryera që janë të dokumentuara.

“A ka për shembull një arsye se pse prej 4 vtesh nuk ka një përfundim të hetimeve për çështjen e 3 inceneratorëve.

Një nga çështjet që publiku e ushqen në mënyrë të përditshme dhe pret rezultate. Kemi parë pjesërisht një hetim për inceneratorin e Elbasanit, ndërkohë që ka një pjesë tjetër që vijon ende.

Kemi parë një pjesë shumë të vogël për sa i përket inceneratorit të Fierit, po ndërkohë vijon sipas njoftimeve tuaja gjithmonë, çështja për aspekte të tjera, ndërkohë që ka zero rezultate për inceneratorin e Tiranës.

Pa hyrë në detaje konkrete të hetimit, a mund të dimë arsyen e kësaj kohëzgjatjeje kaq të madhe, pra prej katër vitesh hetimi për disa çështje që në fakt lidhen me shqyrtimin e letrave. Pra nuk është se kërkohet ndonjë hetim i thelluar.

Do merrni kontratat, do shqyrtohen procedurat, pra të niset nga kjo: nëse prona e bashkisë, ligji thotë, meqenëse kemi dhe një nga prokurorët këtu, pronë e bashkisë jepet apo tjetërsohet me vendim të Këshillit Bashkiak dhe ndërkohë është tjetërsuar me firmën e kryetarit të bashkisë, këtu duhet të ketë një përgjigje. Ka apo jo shkelje ligji dhe për këtë nuk duhen katër vite hetime në gjykimin tim.

Pra, pyetja e parë është, a ka arsye specifike përveç hezitimit të prokurorëve për të thyer mitin e pandëshkueshmërisë në këtë kohëzgjatje kaq të madhe të hetimit për këto çështje. Pra, mora vetëm këtë”, tha Bardhi.

Si përgjigje Dumani tha se tejzgjatja ka të bëjë me vështirësitë për tu krijuar si institucion pasi prej kohsh nuk kishin se kujt t;i jepnin dosje apo të adresonin një çështje, duke nënvizuar se çështje të kësaj natyre kërkojnë kohë për tu hetuar.

“Jemi të detyruar ta respektojmë parashikimin ligjor që nuk mund të raportojmë për çështje konkrete sepse nëse ne e bëjmë këtë shkelje ligji ça presim nga të tjerët. E vetmja gjë që mund të shpjegoj dhe nuk jam dakort me ju zoti Bardhi që thoni thjeshtësia me të cilën hetoni kjo lloj vepre penale.

Krimi futet tek kategoria e shkeljes Pabarazia në pjesëmarrje në tendera publike apo qoftë dhe shpërdorimi i detyrës janë çështje penale më të vështira për tu provuar jo vetëm në Shqipëri por kudo. Krimi i organizuar është më i thjeshtë për tu hetuar se sa çështje të kësaj natyre dhe kërkojnë kohë. Tejzgjatja shpjegohet dhe me atë që edhe Zoti Xhafaj e përmendi me vështirësitë për tu krijuar si institucion ne kishim kohë që nuk kishim kujt ti jepnim dosjet, ne nuk kishim asnjë hetues ku kemi filluar, pastaj dalëngadalë duke u krijuar BKH duke marrë formë BKH, sot kemi dhe hetuesit financiar që është vërtetë një ndihmë shumë e madhe për ne dhe çështjet ne i shikojmë vetë .Unë jam prokuror çështje akoma, vazhdoj hetoj dhe shikoj se kam ku adresoj një çështje deri dje s’kishim ku adresonim një çështje dhe kjo shpjegon kohëzgjatjen e hetimit”, është përgjigjur Dumani./ CNA.al