web counter
LEXO PA REKLAMA!

SHKARKO APP

App Store
Google Play

Drejtori i AMP akuzohet për shpërdorim detyre/ Gjykata e Beratit shpall moskompetencë

21 Prill 2025, 13:41, Aktualitet CNA

Drejtori i AMP akuzohet për shpërdorim detyre/ Gjykata e Beratit

Drejtori i Përgjithshëm i Agjencisë së Mbikëqyrjes Policore (AMP), Florian Sulejmani, u paraqit sot në Gjykatën e Shkallës së Parë të Juridiksionit të Përgjithshëm në Berat, për verifikimin e masës së sigurimit personal “pezullim nga detyra”.

Mësohet se Gjykata shpalli moskompetencë territoriale dhe ia kaloi çështjen Gjykatës së Tiranës.

Gjykata e Beratit kishte pranuar kërkesën e Prokurorisë së Beratit për pezullimin nga detyra të drejtorit të Agjencisë së Mbikëqyrjes Policore, Florian Sulejmani, pasi është nën hetim për shpërdorim detyre lidhur me procedurën e ndjekur në transferimin e oficerëve të policisë gjyqësore, që dyshohet se është kryer në kundërshtim me legjislacionin përkatës.

Prokuroria e Shkallës së Parë të Juridiksionit të Përgjithshëm të Beratit njoftoi në 16 prill caktimin e masës së sigurimit personal “Pezullimi i ushtrimit të një detyre a shërbimi publik” ndaj drejtorit të Përgjithshëm të AMP-së Florian Suljemani, në kuadër të një procedimi penal të regjistruar ndaj tij për veprën penale “Shpërdorimi i detyrës”.

Sipas prokurorisë, çështja penale në ngarkim të Sulejmanit ka të bëjë me transferimin e vartësve të Sulejmanit./CNA





Lajmet e fundit nga