Festa e Pashkës në Korçë mbledh vizitorë të huaj/ Besimtarët rrëfejnë emocionet

20 Prill 2025, 08:27, Aktualitet CNA

Festa e Pashkës në Korçë mbledh vizitorë të

Besimtarët ortodoksë kremtuan në Korçë natën më të shenjtë të vitit, Ringjalljen e Krishtit. Mbrëmjen e së shtunës, mijëra qytetarë u mblodhën në sheshin para Katedrales dhe përgjatë pedonales për të marrë dritën e shenjtë, simbol i shpresës dhe ringjalljes.

Shërbesa e Ngjalljes u udhëhoq nga At Ilia Kotnani, ndërsa besimtarët ndezën qirinjtë për t’i çuar në shtëpi si simbol i bekimit dhe paqes.

Atmosfera ishte e ngrohtë dhe e mbushur me emocion dhe lutje. Përmes CNA TV, shumë besimtarë shprehën urimet e tyre për një Pashkë të mbarë dhe plot shëndet, duke theksuar se kjo festë është ndër më të rëndësishmet për ta. Ndër të tjera, ata kanë treguar simbolikën e flakës dhe se si do të festojnë drekën e së dielës.

"Marrja e flakës është si për fat, e ccojmë në shtëpi, e bëjmë edhe kryqin me bojë të zezë. Do e festoj me djemtë, me nuset, kam tre mbesa, një nip, jemi shumë. Gatimet i bëmë, mishin e poqëm, të tjerat i bëjmë në mëngjes derisa shtrojmë drekën. Gëzuar për të gjithë, të vijë me mbarësi, të mbeten të rinjtë këtu në Shqipëri."

"Flaka është shpresa e Zotit, është drita dhe shpirti i tij. Të dielën do festojmë në shtëpi, me familjen, jo gjëra shumë të mëdha se nuk festojmë për të ngrënë por festojmë Ngjalljen e Krishtit."

"Simbolika është që ccojmë shpresën. Po ccove dritën, do çosh shpresën, mbarë për çdo gjë. Do festojmë si nga hera, në shtëpi se ne jemi të moshuar. Fëmijët si kemi këtu, i kemi larg. Uroj nga zemra të jenë të gjithë të lumtur e të kenë shpresë për të ardhmen."

Mes të pranishmëve kisht edhe vizitorë të huaj, kryesisht nga Greqia, të cilët u shprehën të mahnitur nga atmosfera dhe pritja që u bë në qytetin e Korçës.

"Kam ardhur në Korccë, është shumë bukur. Është hera e tretë që vij. Më pëlqen Korcca shumë. Më thanë shoqet a do shkojmë në Korccë? I thashë menjëherë po."

"Po, është hera ime e parë për Pashkë në Korccë. Atmosfera shumë e bukur, edhe pse më kishin thënë që ka fishekzjarre por s'kishte shumë. Gjithsesi, është shumë e bukur dhe Pashka në Korccë ishtë në listën e gjërave që kam dashur të bëj. Uroj që të dy popujt, shqiptarët dhe grekët, të jetojnë në harmoni dhe me shumë miqësi mes tyre."

Ngjarja më e veçantë që kulmoi pikërisht në mesnatë ishte një propozim për martesë që një 34 vjeçar korçar, vendosi t'i bënte të dashurës së tij. Mes emocionesh Thomaq Lubonja tregoi arsyen se pse zgjodhi pikërisht këtë moment.

"E mendova sot natën e Pashkës sepse është një ditë e veccantë, ditë gëzimi, ditë shprese, ditë dashurie. E mendova që në këtë ditë të veccantë ti bëj propozim për martesë, do ishte gjëja më e bukur në këtë ditë të shenjtë. Unë ndihem shumë i lumtur, shumë i emocionuar. Besoj se kjo ishte një nga ngjarjet më emocionuese të jetës time. Uroj të gjithë besimtarët ortodoksë gëzuar Pashkën. Krishti u ngjall!"

"Nuk e prisja. Tani kam një miks ndjenjash."

Pashka ortodokse vazhdon të jetë një festë që bashkon jo vetëm banorët vendas, por edhe shumë vizitorë, të cilët zgjedhin Korçën për të përjetuar ndjesinë e veçantë të kësaj nate.

Mesha e madhe e Pashkës do të kremtohet të dielën në mëngjes, nën drejtimin e klerikëve të qytetit, me në krye At Ilia Kotnani, i cili përcolli urimet e tij për paqe, mirësi dhe begati për të gjithë./ CNA