web counter
LEXO PA REKLAMA!

SHKARKO APP

App Store
Google Play

E fundit!

x

E Premtja e Madhe/ Besimtarët në Gjirokastër kremtojnë Procesionin e Epitafit

18 Prill 2025, 22:53, Aktualitet CNA

E Premtja e Madhe/ Besimtarët në Gjirokastër kremtojnë

Besimtarë ortodoksë të qytetit të Gjirokastrës kanë kremtuar të Premten e Zezë, e cila simbolizon përkujtimin e vuajtjeve të Jezu Krishtit dhe vdekjen e tij në kryq.

Gjatë pasdites së të premtes, nga Katedralja "Ngjallja e Krishtit" është organizuar riti i kalimit nën epitaf dhe varrimi i Krishtit, pjesë e të cilës janë bërë qindra qytetarë gjirokastritë.

Me një marshim të heshtur, qindra persona kanë bërë parakalimin tradicional ndërsa urimet nuk kanë munguar nga fëmijë e të rritur.

Procesionin e ka udhëhequr At' Joani, i cili shprehu disa mesazhe dhe lutje për një jetë me sa më shumë paqe e harmoni mes njerëzve.

"E premtja e sotme quhet ndryshe dhe si e premtja e zezë,quhet kështu për arsye se keqdashja egoizmi dhe hipokrizia e ne njerëzve kryqëzoi mbretin e lavdisë i cili erdhi pikërishtë me këtë mision për tu kryqëzuar .Kryepeskopi ynë i dashuar Anastas na thotë se ngjallja ndodhet brënda kryqit .Prandaj dhe ne sot jemi të gëzuar sepse e dimë se pas kryqit vjen ngjallja. Më tepër solidaritet më tepër ngushëllim tek njerëzit në nevojë dhe tek njerëzit e sëmurë,më tepër dashuri për të gjithë njerëzit në të gjithë botën .Më tepër paqe ,më tepër shpresë sepse zoti mbreti Jesu Krisht është me ne dhe nuk do të na braktis kurrë", u shpreh Atë Joani.

E premtja para Pashkës, e cila njihet si e Premtja e Madhe, shënon ditën e kryqëzimit të Krishtit dhe vuajtjeve të tij me kryqin mbi shpinë, duke ecur drejt vendit ku u kryqëzua, për t’u ringjallur të dielën e Pashkës./ CNA





Lajmet e fundit nga