web counter
LEXO PA REKLAMA!

SHKARKO APP

App Store
Google Play

E fundit!

x

Dumani takim me drejtuesen e Prokurorisë së Durrësit/ Në fokus krimet zgjedhore

18 Prill 2025, 18:14, Aktualitet CNA

Dumani takim me drejtuesen e Prokurorisë së Durrësit/ Në

Kreu i SPAK, Altin Dumani ka zhvilluar një takim me drejtuesen e Prokurorisë së Durrësit, Suela Beluli. Në takim ishin të pranishëm dhe përfaqësues të DVP Durrës dhe prokurorë dhe oficerë të caktuar në Seksionin e Posaçëm të Përkohshëm Kundër Krimit Zgjedhor të Prokurorisë Durrës.

Në takim u diskutua rëndësia e reagimit, koordinimit dhe ndarjes së informacionit ndërmjet institucioneve për të identifikaur çdo veprim që cënon votën e lirë.

Në kuadër të marrëveshjes së bashkëpunimit, prokurorëve dhe hetuesve të Prokurorisë së Posaçme do t’u vihen në dispozicion ambiente në Prokurorinë pranë Gjykatës së Shkallës së Juridiksionit të Përgjithshëm, Durrës.

Hetuesit e Byrosë Kombëtare të Hetimit do të jenë të pranishëm në terren dhe të gatshëm për të marrë çdo kallëzim apo informacion nga qytetarët në lidhje me veprimtari të dyshuara penale që lidhen me zgjedhjet. Prania e tyre është një garanci shtesë për transparencën dhe seriozitetin me të cilin institucionet po e trajtojnë këtë proces, ndaj Prokuroria inkurajon çdo qytetar që të bashkëpunojë dhe të raportojë çdo përpjekje që synon të cenojë votën e lirë.

Prokuroria pranë Gjykatës së Shkallës së Parë të Juridiksionit të Përgjithshëm Durrës riafirmon angazhimin e saj për të bashkëpunuar ngushtësisht me të gjitha institucionet ligjzbatuese dhe për të ndërmarrë çdo veprim të nevojshëm ligjor për të mbrojtur të drejtën e votës dhe integritetin e procesit zgjedhor./ CNA





Lajmet e fundit nga