Kthehen për të festuar Pashkën/ Fluks emigrantësh në pikën kufitare në Kapshticë

17 Prill 2025, 12:53, Aktualitet CNA

Kthehen për të festuar Pashkën/ Fluks emigrantësh në

Në pikën e kalimit kufitar të Kapshticës është regjistruar një rritje e fluksit të udhëtarëve në prag të festës së Pashkës. Sipas të dhënave zyrtare, vetëm në 24 orët e fundit kanë hyrë në territorin shqiptar 4320 shtetas nga Greqia, shumica prej tyre emigrantë shqiptarë që jetojnë dhe punojnë atje. Ndërkohë, numri i qytetarëve që kanë udhëtuar nga Shqipëria drejt Greqisë është më i ulët, me 2250 persona të regjistruar në dalje.

Pavarësisht fluksit, situata në pikën kufitare të Kapshticës paraqitet e qetë dhe nën kontroll. Udhëtarët janë shprehur se procedurat doganore kanë qenë të shpejta dhe nuk janë hasur vonesa apo probleme, as në doganën shqiptare dhe as në atë greke.

Kthehen për të festuar Pashkën/ Fluks emigrantësh në

"Po shkoj në shtëpi të festoj Pashkët. Do të qëndroj një ose dy javë dhe do vij prapë në maj për votimet. Nuk kemi pasur probleme rrugës. Gëzuar të gjithëve Pashkët",-tha qytetari.

Kthehen për të festuar Pashkën/ Fluks emigrantësh në

"Ne vijmë nga Selaniku, shkojmë në Korçë për të festuar Pashkët me familjen, aty ku na presin njerëzit tanë të dashur. Do të festojmë të gjithë së bashku. Ju urojmë dhe ju gëzuar Pashkët. Do qëndrojmë 1 javë, në doganë ishte shumë mirë, edhe në doganën greke kaluam shpejt, edhe te shqiptarja, vetëm dy makina kemi para",-shprehet qytetari.

Kthehen për të festuar Pashkën/ Fluks emigrantësh në

"Po shkojmë në Prespë, kemi ardhur për Pashkët me gruan dhe vjehrrën. Do rrimë 3-4 ditë. Nuk patëm vonesa në doganë, punojnë shumë mirë",-tha qytetari.

Kthehen për të festuar Pashkën/ Fluks emigrantësh në

"Po shkojmë në Korçë dhe në Prespë, burri im është nga Prespa dhe do festojmë aty Pashkët. E festojmë familjarisht, kemi thirrur vajzat, do jemi të gjithë dhe themi se do t'ia kalojmë mirë. Duam të qëndrojmë 1 javë, më shumë nuk mundemi se kemi punë. Shqiptarët i uroj me gjithë zemër, gëzuar Pashkët, shëndet të kenë dhe lumturi se kemi vuajtur jashtë mase si popull",-tha qytetarja.

Kthehen për të festuar Pashkën/ Fluks emigrantësh në

Parashikohet që fluksi të vazhdojë të rritet në ditët në vijim, pasi shumë shtetas që jetojnë jashtë vendit kanë vendosur të kalojnë festën e Pashkës pranë familjarëve dhe të afërmve të tyre në Shqipëri./CNA